Polıseıler bul alaıaqtardyń qoldanatyn asa qaýipti aldaý joly ekenin atap ótti, saldarynan jábirlenýshilerge 100 myńnan 1 mıllıon teńgege deıin shyǵyn keltirilgen.
Oblystyń aýylsharýashylyq kásiporyndary biriniń basshysy polısııaǵa ınternet-alaıaqtyq týraly aryzben júgindi. Oǵan 2 tamyz kúni banktiń qaýipsizdik qyzmetiniń qyzmetkeri atynan belgisiz qylmysker qońyraý shalǵan. Ol onyń atyna bireýlerdiń iri kólemde nesıe resimdeýge áreket jasap jatqany týraly jáne buǵan jol bermeý úshin barlyq qarajatty «qaýipsiz shotqa» aýdarý qajettigi týraly aıtqan. Alaıaqtarǵa sengen jábirlenýshi óziniń depozıtinen 15 mıllıon teńgeni alyp, olardyń kórsetken shotyna aýdarǵan, bul shot shyn máninde alaıaqtarǵa tıesili bolǵan. Keıin er adam polıseılerge osyndaı aldaý tásili týraly estigenin aıtqan. Alaıaqtardyń senimdi, kásibı termınderdi qoldana otyra saýatty sóıleýi ony jalǵan sózge sendirgen.
«Atalǵan derek QR Qylmystyq kodeksiniń 190-baby 4-bóligi (Alaıaqtyq) boıynsha Sotqa deıingi tergep-tekserýlerdiń biryńǵaı tizilimine engizildi. Internet-alaıaqtyqty ashý kezinde kóptegen qıyndyqtar kezdesedi, kóp jaǵdaıda jelidegi alaıaqtar basqa memleketterde, basqa óńirlerde bolady. Polısııa qyzmetkerleri halyqpen túsindirý jumystaryn júrgizedi. Basty keńes: «bankten qońyraý shalǵandarǵa» senbeý, tapjylmaı sóılesýdi toqtatý. Egerde óz qarajatyńyzǵa qatysty kúmánińiz bolsa, bank bólimshesine baryńyz. О́tiriktiń betin ashý úshin qylmyskerler ózin tanystyrǵan kezde ataǵan uıymǵa resmı nómirleri boıynsha habarlasyńyzdar. О́zińizdiń qupııa jáne qarjy málimetterińizdi, paroldi, sms boıynsha kelgen cvv jáne pın-kodty eshkimge aıtpańyzdar», dedi SQO PD bastyǵynyń orynbasary Rýslan Nazarov.
