Ekibastuzǵa kelgen mınıstr halyqpen kezdesip, emin-erkin jaǵdaıda áńgime qurdy. Dáýren Áskerbekuly jyl basynan beri atqarylǵan jumystardyń legine toqtalyp, saladaǵy jańashyldyqtardy atady.
– El Prezıdenti Qasym-Jomart Toqaevtyń tapsyrmasymen óńirlerdi aralap, halyqtyń muń-muqtajyna qulaq túrip, ortaq máselelerdiń sheshimin tabýdy maqsat etýdemiz. Elimizde mádenıet pen óner salasyna erekshe kóńil bólinýde. Bıyl osy salada mınıstrliktiń bastamasymen kóptegen iri joba qolǵa alynyp otyr. Memleket basshysynyń tapsyrmalary aıasynda mádenıet salasynyń jáne arhıv uıymdary qyzmetkerleriniń jalaqysy 50%-ǵa, al óńirlik qyzmetkerlerdiń jalaqysy 35%-ǵa ósti. Sondaı-aq 2025 jylǵa deıin sala mamandarynyń eńbekaqysy 2025 jylǵa deıin ár jyl saıyn 20%-ǵa ósip otyrady. Budan bólek elimizdegi «Ulttyq» mártebege ıe mádenıet mekemelerindegi qyzmetkerlerdiń aılyǵy 75%-ǵa deıin artty, – dedi D.Abaev.
Vedomstvo basshysy sondaı-aq bıyl aqyn-jazýshylar men baspagerlerdi memleket tarapynan qoldaý maqsatynda tuńǵysh ret «Aıboz» ulttyq ádebı syılyǵy taǵaıyndalǵanyn tilge tıek etti.
– Jas jazýshylar men aqyndarǵa arnalǵan «Aıboz» ulttyq ádebı syılyǵy taǵaıyndaldy. Ár jeńimpazǵa 5 mıllıon teńgeden beriledi. Syılyqtaǵy jańashyl baǵyt retinde «Úzdik komıks» atalymyn aıryqsha atap ótýge bolady. Qazirgi baldyrǵandar batystan úzdiksiz aǵylyp kelip jatqan mýlthıkaıalardy kóredi. Ol tilimizge, ulttyq dilimizge keri áserin tıgizýde. Sol sebepti ózimizdiń ulttyq komıksty damytýǵa tıispiz. Budan basqa «Jańa qazaq ádebıeti» atty taǵy bir jańa jobany qolǵa aldyq. Ol boıynsha jas avtorlardyń kitaptary úsh myń taralymmen basylyp shyǵarylady. Bul jas urpaqtyń jańasha oılaý júıesin damytýǵa, olardyń shyǵarmashylyq kózqarasy men ınnovasııalyq ıdeıalaryn qoldaýǵa sep bolmaq. Taǵy bir jaǵymdy jańalyq – jaqynda óner jáne mádenıet qyzmetkerleriniń shyǵarmashylyq jetistikterin qoldaý maqsatynda «Umaı» ulttyq syılyǵyn jarııalaıtyn bolamyz. Jalpy júlde qory – 54 mıllıon teńge, – dep baıandady mınıstr.
Kezdesýde ekibastuzdyq turǵyndar sport salasyndaǵy máselelerdi kóterdi. Mınıstrge jattyqtyrýshylardyń ózine tıesili saǵattan artyq eńbek etýi, múmkindigi shekteýli bapkerlerge jumys jaǵdaıyn jasaý jáne sporttyq medısınaǵa arnalǵan normatıvterdi ázirleý týraly suraqtar qoıyldy. О́ńirlik dárigerlik-dene shynyqtyrý dıspanseriniń basshysy Nazıgúl Ahmadıevanyń aıtýynsha, atalǵan mekemede sporttyq medısınanyń normatıvti-quqyqtyq bazasy, sportshylardy medısınalyq tekserýdiń standarttary, bekitilgen aýrýlar tizbesi joq eken. Dıspanserdiń ózi úzbeı 18 jyl qyzmet kórsetip keledi.
Bul máseleni Dáýren Abaev nazaryna alatynyn aıtty.
Qazaqstan Jazýshylar odaǵynyń múshesi, «Máshhúr Júsip» qorynyń keńesshisi Jumaǵalı Qoǵabaı Eskeldidegi Máshhúr Júsip kesenesine jaqyn mańda kezinde ǵulama turǵan úı ornalasqanyn, ol jerge ashyq aspan astyndaǵy murajaı ashý jóninde usynysyn jetkizdi. Qordyń kúshimen Máshhúr Júsip turǵan úıdiń aınalasy abattandyrylǵan. Áýlıe atanǵan tulǵanyń 165 jyldyq mereıtoıy da jaqyndap qaldy. Osy rette atalǵan mekende erekshe rýhanı ortalyq qurylyp, ol Pýshkın men Tolstoıdyń ashyq aspan astyndaǵy mýzeıleri syndy bolsa degen tilek bar.
Dáýren Abaev bul usynysty da qoldaıtynyn jetkizdi. Ǵulama kesenesinde osydan birer jyl buryn arnaıy bolǵanyn, bul jolǵy saparynda da at basyn buratynyn málimdedi. Sonyń qorytyndysynda qandaı kómek kórsetýge bolatynyn anyqtaımyn dep ýáde etti.
Kezdesý sońynan mınıstr óńir turǵyndaryn jeke máseleleri boıynsha qabyldady.
Pavlodar oblysy,
Ekibastuz qalasy
