Ulyqum eteginde uıymdastyrylǵan ıgi is

Shalqar aýdandyq jastar resýrs­tyq ortalyǵy dala tósinde qyza­tyn osy kásipke qala balasynyń qyzy­ǵý­shylyǵyn arttyrý maqsatymen jas­tar­dyń bir kúnin sharýa qojalyǵy basynda ótkizýdi uıymdastyrdy.

Jastar barǵan Shalqar aýyldyq okrýgine qarasty «Qarajıde» sharýa qojalyǵy 1997 jyly qurylǵan. Tóraǵasy Esenkeldi Jansúgirov osy qoja­lyqtyń irgesi qalanǵan kún­nen bas­tap sharýashylyq basynda. Baq­ty­baı dep atalatyn jer onyń jaz jaılaýy. Jol boıy aýyl kórinisine kóz tigip, at baılaǵan qonaqtardy Esenkeldi aǵa men zaıyby Aısáýle apaı keń peıilmen qarsy aldy.

– Qojalyqty qurǵan kúnnen bastap, otbasymmen osy jerdemin. О́ıt­peseń, isiń alǵa basa ma?! Qazir bári myńǵyrtyp mal ustaǵysy ke­ledi, biraq onyń sońyna túsip baǵýǵa qul­qy joq. О́ziń bas-kóz bolyp otyr­sań, sharýanyń da berekesi artady. Kún uzaǵyna tysta eńbek etetin adam úıge kirgende aǵarǵany toly dastarqany jaıylyp turmaǵasyn sharýasy jaılana ma?! Sondyqtan biz bala-shaǵamyzben osyndamyz. О́zimizge tıesili 3 myń gektardan astam jerimiz bar. Memlekettik baǵdarlama kómegimen jaılaýdan sý uńǵy­masyn qazdyryp jatyrmyn, – deıdi sharýa­shylyq tóraǵasy Esenkeldi aǵa.

Alty balanyń anasy Aısáýle apa­myz aǵarǵany mol úıge bereke uıalaı­dy dep, jastarǵa túıeni qalaı saýý­dyń, botasyn bólek ustap, ıdirýdiń tásilderimen tanystyrdy.

Otaǵasy er balalarǵa qoı qyrqý­dyń, ony soıyp, etin jiliktep qonaqqa tabaq tartýdyń joldaryn kórsetti. Jastar osy is-shara aıasynda atqa minip, óristen qoı qaıtaryp, saqmannyń sońǵy sátterine kýá boldy. Jáne de ań aýlaýǵa da áýesqoılyǵy bar sharýa­nyń óz aýzy­nan at baptaýdyń, jeti qazynanyń biri – tazy ıtti asyraýda qaperde ustaıtyn jaıttardy estidi.

Igi is-sharaǵa qatysqan oblys­tyq jastar resýrstyq ortalyǵy jas­tar bóliminiń basshysy Azat Oraza­lın, aýdandyq jastar resýrstyq orta­lyǵynyń basshysy Janna Ábdenova kóldeı kóńilimen bir kúndik sharýasyn ysyryp qoıyp, jastarmen emen-jarqyn tildesip, tórt túlikti óriste teń órgizýdiń jaı-japsarymen bólisken sharýashylyq ıeleri Esenkeldi aǵa men Aısáýle apaǵa shynaıy rızashylyǵyn bildirdi.

Jastardan kúter úmit kóp. «Bola­shaq jastardyń qolynda» deıtinimiz de sondyqtan. Ulyqumnyń eteginde ata kásipti otbasymen júrgizip otyr­ǵan eńbek adamdary jastarǵa: «Ýaqyt­taryńdy baǵalańdar, erinshek bolmań­dar», dep tilekterin bildirdi.

Muhtar MYRZALIN

Aqtóbe oblysy,

Shalqar qalasy