Álemdegi eń úzdik 5 halyqaralyq olımpıadanyń qataryna kiretin International Olympiad in Informatics bilim báıgesi bıyl 34-shi ret Indonezııada ótkizildi. 90-ǵa jýyq elden 350-den artyq oqýshy qatysqan bul synda Muhammadarıf kúmis medaldi ıelendi.
«Shákirtimizdiń kezekti jetistigi bizdi erekshe qýantyp otyr. Olaı deıtinimiz, Muhammadarıf byltyr osy olımpıadanyń qola medaline qol jetkizgen edi. Endi mine, sol kórsetkishin jaqsartyp, taǵy bir satyǵa kóterildi. Jalpy, maqtaýly oqýshylarymyzdyń qataryna kiretin onyń qanjyǵasynda ınformatıka páninen respýblıkalyq jáne halyqaralyq Jáýtikov olımpıadasynyń altyn medaldary bar. Júldegerdi Semeıge kelgende ustazdary, synyptastary úlken qoshemetpen kútip alýdy josparlap otyr», dedi mektep dırektory Baǵdan Qaıyrjanov.
Muhammadarıf olımpıada barysynda algorıtmdik esepterdi sheship, baǵdarlamalaýdan eki kún boıy baq synady.
SEMEI
