Jetisý oblysynyń ákimi Beıbit Isabaevtyń aıtýynsha, aımaqta 340 mektep bolsa, sonyń ishinde úsh aýysymda oqytatyn mektepter joq. Bıyl 15,9 mlrd teńgege jańadan 17 bilim berý nysanynyń qurylysy júrgizilýde. Sonyń ishinde jyl sońyna deıin 10 mektep, jazdyq lager jáne mýzykalyq kolledj jataqhanasy qoldanysqa beriledi, qalǵan 5 nysannyń qurylysy 2023 jyly aıaqtalady.
Jyldyń sońyna deıin 58 mektep jańartylady, olarǵa 2,1 mlrd teńgege jalpy sany 90 túrli pán kabınetteri satyp alynýda. Jalpyǵa birdeı bilim berý qorynan áleýmettik jaǵdaıy tómen otbasynan shyqqan 14 myń balaǵa mektep formasy men keńse taýarlaryn alýǵa 500 mln teńgedeı qarjy bólingen. Jalpy oblystyń bilim berý salasy jańa oqý jylyna tolyqtaı ázir. Osy jerde aıta ketetin jaǵdaı, Úkimettiń №64 qaýlysyna jýyrda ǵana engizilgen ózgeristerge baılanysty az qamtylǵandar sanatyndaǵy otbasy balalaryna 37 389 teńgeden berilýi qajet. Búginge deıin bólingen qarjyǵa aýdandarda mektep formalary men oqý quraldary satyp alynǵandyqtan, belgilengen somanyń qalǵan aıyrmashylyǵy ata-analardyń jeke shottaryna aýdarylatyn boldy. Sol sııaqty oblysta 17 myńnan astam oqýshy bir rettik ystyq tamaqpen qamtamasyz etiledi.
Jalpy Jetisý oblystyq bilim basqarmasynyń málimetine súıensek, bıyl birinshi synypqa 12 300 oqýshy qabyldandy. Balalardyń qaýipsiz ortada bilim alýyna jaǵdaı jasalǵan. О́ńirdegi barlyq mektep beınebaqylaý júıelerimen qamtylǵan, degenmen sonyń ishinde 208 mekteptegi bul júıe qaıta jańǵyrtylady. Jalpy 158 mekteptiń beınebaqylaý kameralary Jedel basqarý ortalyqtaryna qosylǵan. Barlyq mektepte dabyl túımeleri jumys istep tur.
Jetisý oblysy
