Syr

(Qart maıdanger tolǵanysy) Kýá boldym eki birdeı ǵasyrǵa, Qandy kóılek dos qalmady qasymda. Qalam menen qaǵaz aldym qolyma, 91-ge kelgen mynaý jasymda.   Maqtan tutam týǵan jerim – Syr elin, О́tken shaqty eske alyp júremin. El basyna kún týǵanda keshegi, 18-de bozbalanyń biri edim.   Bozbalada sirá bóten oı bar ma, Jastyq jiger jalyndatpaı qoıǵan ba. Qorǵaý úshin týǵan jerdi, elimdi, Qıyr shetke – kete bardym maıdanǵa...   Soǵystan soń beıbit ómir bastaldy, Baǵyndyrdyq nebir beles, asqardy. Kúndiz-túni eńbek etip aıanbaı, Oryndadyq «partııalyq» jospardy. Endi qazir el boldyq qoı egemen, Qart maıdanger qýanbaıyn nege men. Qazaǵymdy bar álemge tanytty, Elbasymnyń saıasaty kóregen.   Kósh bastadyq úlgi bolyp basqaǵa, Saryarqada boı kóterdi jas qala. Bar álemdi tamsandyryp kórkimen, 15 jylyn toılap ótti Astana.   Jas urpaqtar ósip jatyr bilimdi, Oǵan kýá jetistigim búgingi. Maqtan tutam árqashanda myna men, Elbasymyz Nursultandaı inimdi.   О́zderińmen marqaıamyn búgin men, Baqytty da, beıbit ómir súrińder. Qazaq eli jasaı bersin máńgilik, Qart maıdanger tilegi osy – bilińder! Sháımerden Súıindikov, soǵys jáne eńbek ardageri. Qyzylorda oblysy, Jańaqorǵan aýdany, Sýnaqata aýyly.