Quttyqtaımyz

Uly Otan soǵysynyń ardageri, KSRO Memlekettik bankiniń úzdigi Qaman QASENOV 9 mamyrda 90 jyldyq mereıtoıyn atap ótedi. Qaman Qasenuly Uly Otan soǵysy jyldary Otanymyzdy fashıstik basqynshylardan qorǵaýǵa belsendi qatysty. Ol 1942 jylǵy shildede 18 jasynda ásker qataryna shaqyrylyp Qyzyl týly Amýr ózen kemeleri flotılııasynyń Habarovsk qalasynda ornalasqan áske­rı-teńiz flotynyń bazasyna keldi. Osynda birinshi synypty zenıt pýlemetshisi boldy. 1945 jylǵy tamyzda mılıtarıstik Japonııaǵa qarsy operasııalarǵa qatysyp, 1946-1950 jyldary bronekaterler otrıadynda qyzmet etti. Eren erligi II dárejeli Otan soǵysy ordenimen jáne kóptegen medaldarmen atalyp ótti. Qaman Qasenov áskerden oralǵannan keıin 30 jyldan astam ýaqyt boıy KSRO Memlekettik bankiniń Qazaq respýblıkalyq keńsesinde ınkassator, revızor bolyp jumys istedi. Inkassator mashınasyna qaraqshylyq shabýyl jasaǵan kezde ınkassatorlar brıgadasynyń batyldyǵy men sheber is-qımyly, tasymaldanatyn qundylyqtardyń saqtalǵany úshin ol «Erligi úshin» medalimen marapattaldy. Memleketimiz ardagerdiń kóp jylǵy adal eńbegin laıyqty baǵalady. Qaman Qasenuly Qazaq KSR Joǵarǵy Keńesiniń gramotalaryn ıelenip, «KSRO Memlekettik bankiniń úzdigi» tósbelgisin tósine taqty. Onyń esimi KSRO Memlekettik banki Qazaq respýblıkalyq keńsesiniń Qurmet kitabyna jazyldy. Qazaqstan Respýblı­kasy­nyń Ulttyq Banki jáne ardagerler keńesi Qaman Qasenuly Qasenovti 90 jasqa tolýymen quttyqtaıdy. Zor densaýlyq, baqytty jáne ıgilikti ómir tileıdi!