Memorandým kásipkerlikti qoldaıdy

Jyl basynda oblystyń kásipkerlik palatasy men ob­lys­tyq prokýratýra arasynda kásipkerlikti qoldaý jáne olardyń quqyqtaryn qorǵaý týraly ózara yntymaqtastyq memorandýmy jasalǵan bolatyn. Endi osy yntymaqtastyq memorandýmy aıasynda bıznestiń quqyn qorǵaý baǵytynda atqarylatyn birlesken is-sharalar josparyna qol qoıyldy. Oblys prokýrory Nurǵalym Ábdirovtiń aıtýynsha, prokýrorlar memlekettik tekserý organdarynda tirkemeý jolymen jyl saıyn kásipkerlik nysandaryn zańsyz tekserýdiń myńdaǵan derekteriniń aldyn alatyn kórinedi. О́tken jy­ly 180 tekserýge ruqsat be­rilmepti. 2013 jyly prokýrorlar 250 kásipkerdiń quqyn qorǵaǵan. Prokýratýraǵa bıznes qaýymdastyǵynan 49 shaǵym túsip, sonyń 21-i dálel­dengen, 55 laýazymdy tulǵa ja­ý­apker­shilikke tartylǵan. Monopolısterge qatysty kásipkerlerdiń problemalyq máselelerin ashýǵa «Tekserýshi jáne kásipker», «Sheneýnik jáne kásipker» aksııalary múmkindik beredi dep kútilýde. Oblysta «Monopolıst jáne kásipker» aksııasy bastalyp ta ketti. Oblys kásipkerleri óńir­lik palatasynyń dırektory Tólemis Shotanov kásipkerlerdiń quqyǵyn jáne zańdy múddesin tıimdi qorǵaý úshin kásipkerler problemasynyń kartasyn túzý kerek, bızneske ákimshilik kedergilerdi joıý qajet, zań jobalaryna sapaly saraptama jasaý kerek jáne qoldanystaǵy normatıvtik-quqyqtyq ak­ti­lerdi túgendeý qajet dep esep­teıdi. Ol sondaı-aq, kásip­kerler palatasynyń jáne onyń fılıaldarynyń negizgi mindeti tekserýshi organdardyń kásipkerlik qyzmetke zańsyz aralasýynyń aldyn alý bolyp tabylatynyn taǵy bir eske salyp ótti. О́ńirlik palatanyń basshysy ótken jyly júrgizilgen 9609 tekserýdiń 4175-i jospardan tys bolǵanyn jetkizdi. Osy tekserýlerdiń nátıjesimen 40 myń kásipker ákimshilik jaýapkershilikke tartylyp, 195 mıllıon teńge aıyppul salynǵanyn alǵa tartty. Satybaldy SÁÝIRBAI, «Egemen Qazaqstan». Aqtóbe oblysy.