BIýDJETTIŃ ATQARYLÝY JО́NINDEGI ESEP TANYSTYRYLDY

Májiliste Úkimettiń jáne Esep komıtetiniń 2009 jylǵy res­pýblıkalyq bıýdjettiń at­qa­rylýy týraly esepteriniń ta­nystyrylymy ótti. Bul sharaǵa Májilis depýtattary, Ulttyq bank, ortalyq atqarýshy jáne ózge de ortalyq memlekettik organdar ókilderi qatysty, dep habarlady osy palatanyń baspasóz qyzmeti. Májilistiń Qarjy jáne bıýdjet komıtetiniń tóraıymy Gúljan Qaraqusova sóz sóılep, jańa Bıýdjet qodeksine sáıkes 2009-2011 jyldarǵa arnalǵan úsh jyldyq respýblıkalyq bıýd­jettiń birinshi jylynyń oryn­dalý nátıjesiniń bizdiń elimiz úshin mańyzy zor ekenin atap ótti. Qarjy mınıstri Bolat Jámi­shev baıandama jasady. Ol 2009 jyl­ǵy respýblıkalyq bıýdjet bi­rin­shi kezekte Qazaqstan Prezı­den­tiniń “Qazaqstan azamattary­nyń ál-aýqatynyń jaqsarýy – mem­le­ket­tik saıasattyń basty maq­sa­ty” jáne “Daǵdarys arqyly ja­ńarý men damýǵa” atty Qazaqstan hal­qy­na Joldaýlarynda berilgen tap­­syrmalardy oryndaý maqsa­tynda jáne onda kórinis tapqan áleý­met­tik-ekonomıkalyq damý­dyń qaǵı­dat­tary men basymdyq­taryna sáı­kes iske asyrylǵanyn aıtty. Son­daı-aq, bilim berý, densaýlyq saq­taý jáne áleýmettik qamtýǵa ar­nalǵan respýblıkalyq bıýdjet shy­ǵyndarynyń turaqty­lyǵyn saqtap qalý maqsatyndaǵy qadamdar oń úrdisterge ıe bol­ǵanyn jáne bó­lin­gen qarjylar sońǵy bes jylda 2,5 esege kóbeı­genin baıandady. Bul ót­ken qarjy jylynyń, onyń ishinde memleket­tiń áleýmettik saladaǵy min­detterine qatysty respýb­lı­kalyq bıýdjettiń oryndalýynan kórinis taýyp otyr. 2009 jylǵy respýblıkalyq bıýd­jetti oryndaý barysynda bıýd­jetke 2 800,3 mlrd. teńge kiris tústi nemese bul jospardyń 100,1 paıyzy, al bıýdjettiń shyǵysy 3 311,3 mlrd. teńgeni nemese 98,2 paıyzdy qurady. Osy basqosýda Respýblıkalyq bıýd­jettiń atqarylýyn baqylaý jó­­nindegi esep komıtetiniń tór­aǵa­sy Omarhan О́ksikbaev ózi bas­qa­ratyn vedomstvonyń 2009 jylǵy qyzmeti daǵdarysqa qarsy shara­lar­dyń, baǵdarlamalyq qujat­tardyń iske asyrylýyna, salyq jáne kedendik ákimshilen­dirýdiń, sýbektilerdiń kvazı­memlekettik sektorynyń memle­kettik qarjy resýrstary men aktıvterin paıda­la­nýynyń tıim­diligin baqylaýǵa baǵyttalǵanyn atap ótti. Sonymen qatar, Ekonomıka­lyq damý jáne saýda vıse-mınıstri Qýandyq Bı­shimbaev 2009 jylǵy makro­ekonomıkalyq kórsetkishterdiń atqarylýy men 2009 jylǵy eko­nomıkalyq damýdyń negizgi qorytyndylary týraly, Qarjy naryǵyn jáne qarjy uıymdaryn retteý men qadaǵalaý agenttigi tóraǵasynyń orynbasary Murat Baısynov 2009 jyly Qazaq­stannyń qarjy júıesin turaqtan­dyrýǵa Ulttyq qordan tartylǵan qarjynyń jum­salýy týraly habarlama jasady. Ol Ulttyq qordan Ekonomıka men qarjy júıesin turaqtandyrý jó­nindegi birlesken is-qımyl jos­paryn iske asyrýǵa arnalǵan qarjynyń jumsalýyn baqy­laıtyn jumys toby qyzmetiniń nátıje­lerimen tanystyrdy. Usynylǵan esepterdi talqy­laý­ǵa Parlament Májilisiniń depýtat­tary belsene qatysyp, 2009 jylǵy respýblıkalyq bıýdjettiń oryn­da­lýyna qatysty birqatar ózekti má­sele kóterdi.