Mekteptiń betkeustary boldy. Almaty zooveterınarlyq ınstıtýtyn úzdik bitirdi. О́zi týyp-ósken óńirde sharýashylyqta bas zootehnık qyzmetin abyroımen atqardy. Keıin partııa, keńes jumysyna aralasty. Shymkent, Atyraý oblystarynda basshylyq qyzmetter atqardy. Alǵabas, Keles aýdandarynda aýdandyq partııa komıtetiniń birinshi hatshysy boldy. Jasaǵan jumystary Dımash Qonaev, Asanbaı Asqarov sııaqty bıik tulǵalardan laıyqty baǵasyn aldy. Túrli deńgeıde basshylyq qyzmetter atqarǵan Hasan Bekturǵanov, Egemqul Tasanbaev, Tólepbek Nazarbekov, Ábjappar Jylqyshıev, Borambek Shúkirbekov, Zaýytbek Turysbekov, Ábdikárim Bektaev, Eltaı Turǵymbekov, Amalbek Tshanov, Beket Turǵaraev, Ábdiǵanı Tashqaraev, Anarbek Ormanov, Ábilqasym Dosbolov, Dosybaı Sherimqulov, Ismat Tursynqulov, Danabek Batyrshaev, Qoıshybaı Áripbaev sııaqty zamandas aǵa-inilerimen etene aralasyp, el ıgiligi úshin qoıan-qoltyq qyzmet etti.
Sol ıgilikti eńbeginiń nátıjesinde alty ordenmen, jıyrma shaqty medalmen marapattaldy. Zeınetke shyqqan soń da qoǵamdyq qyzmetten qol úzbeı, táýelsiz elimizdiń týyn tikteı túsýge atsalysty. Osy eńbegi elenip, óńirine «Qurmet», «Shapaǵat», «Parasat» ordenderin taqty. Ońtústik Qazaqstannyń jáne osy oblystaǵy bes aýdannyń Qurmetti azamaty atandy. Alla jazyp uzaq ta maǵynaly ǵumyr keshti. Aqyrǵy demi bitkenge deıin halyqpen aralasty, jas urpaq tárbıesine erekshe kóńil bóldi. Musylmannyń qasıetti bes paryzynyń biri qajylyq saparyn da ótedi. Qoly bos bolyp kórmegen daǵdysymen ólketaný máselesimen, shejire-derekter jınaýmen aınalysty. Artynda «Men de bir Qazyǵurttyń perzentimin» atty qundy kitap qaldyrdy. Odan da zory balalarynyń súıikti anasy, ózi qalap qosylǵan aıaýly jary Rabıgúl apamyz ekeýinen bes ul, nemere, shóbereler kórdi. Bir ókinishtisi, apamyz erterek qaıtys bolyp, urpaqtarynyń qyzyq-qýanyshtaryn kóre almaı ketti.
Jasy jerortadan aýǵanda úlken kisiniń jalǵyz qalǵany aýyr soǵady eken. Osyndaı sátte bul ómirdiń ystyq-sýyǵyn birge kórip, halyqtyń súıispenshiligi men qurmetin qatar ótkizgen jubaıy Zámzagúl qajy jeńgemizge de razymyz. Ol kisi syrlasy da, syılasy da bola bildi. 93-ke qaraǵan shaǵynda fánı dúnıeden baqılyqqa attanǵan ardaqty ákemizdiń, atamyzdyń shańyraǵynyń otyn óshirmeı, jyl boıy ár beısenbisin qur jibermeı arýaǵyn aýnatty.
Artynda qalǵan urpaqtary 28-shi tamyzda marqumǵa Quran baǵyshtap, as bermekshi.
О́tetin mekenjaıy: Shymkent qalasy, О́.Jánibekov kóshesi, 65. «Baqqon» meıramhanasy. Ýaqyty – 13:00.
Qurmetpen,
Ájimetovter áýleti
