Bul jobany jergilikti kásipker Arman Saǵynaev iske asyrýdy kózdep otyr. Qazir ol nan qaldyqtaryn jınaýǵa arnalǵan konteıner jasap shyǵardy. Munaıly shahardaǵy Nursaıa, Avangard, Vokzal mańy aýdandary men Q.Sátbaev kóshesine osyndaı 50 konteınerdi ornatty. Endi taǵy da 200 konteınerdi ornatýdy kózdep otyr.
– Eki kún saıyn konteınerden nan qaldyǵyn jınap alamyz. Ony keptirip, suryptap, arnaıy sehqa jiberemiz. Sehtaǵy jabdyqta nan qaldyqtarynan iri qara men usaq malǵa arnalǵan túıirshiktelgen jem daıyndalady. Jem sharýa qojalyqtary men basqa da kásipkerlerge satylady, – deıdi Arman Saǵynaev.
Kásipkerdiń bul jobasyna Atyraý qalalyq ákimdigi qoldaý bildirip otyr. Ol jobasyn iske asyrý úshin bankten nesıe alǵan. Buryn qoldanysta bolǵan bóshkelerden konteınerdi ózi jasap, jasyl túske boıaǵan. Jobanyń shyǵyny men paıdasyna qajetti jabdyqtardyń baǵasyna aldyn ala zertteý júrgizgen.
– Qytaı elinen jem daıyndaýǵa arnalǵan qural-jabdyqty aldyrýǵa tapsyrys berdim. О́ńirdegi jemniń baǵasyna monıtorıng júrgizdim. Bul jobany iske asyrý arqyly birneshe maqsatty kózdedim. Birinshiden, qaldyqty da kádege asyrýǵa bolatynyna kóz jetkizgim keldi. Ásirese nan qaldyǵynyń qoqys alańynda jatýynyń aldyn alý. О́ıtkeni shahar turǵyndary nan qaldyǵyn qaıda tapsyraryn bilmeı, amalsyzdan qoqysqa tastaýǵa májbúr bolady. Ekinshiden, nan qaldyǵynan daıyndalǵan jemniń baǵasy qymbat emes, – deıdi A.Saǵynaev.
Atyraý oblysy
