Dýshanbe qalasynda 18 jasqa deıingiler arasynda ITF Juniors dodasynda Vıtalıı Zasepın juptyq synda úzdik shyqty.
V. Zasepın sıngapýrlyq Maksımýs Vongpen birge fınalda jarystyń birinshi raketkalary, ózbekstandyq Bobýr Madamınov - Bobýr Iаkýbjanovty 6:3, 7:6 (7:5) esebimen utty.
Jekeleı synda taǵy bir qazaqstandyq Oleg Gýsakov fınalǵa deıin jetip, sheshýshi básekede reseılik Maksım Goncharovqa jol berdi.
Germanııanyń Regensbýrg qalasynda 12 jasqa deıingiler arasynda birinshi sanattaǵy týrnırde Robert Kamınskıı fınalda kort ıesi Lıan Bınartty tize búktirdi. Bul – Roberttiń halyqaralyq deńgeıdegi alǵashqy tıtýly.
Regensbýrgte 16 jasqa deıingiler arasynda Sofııa Isakova men Anastasııa Krymkova fınalda ýkraınalyqtar Polına Semenıýk - Anastasııa Sorskany 6:2, 6:3 esebimen jeńip, chempıon atandy.
Chernogorııada 12 jasqa deıingiler arasynda ekinshi sanattaǵy jarysta Ámına Nurmahan fınalǵa joldama aldy. Alaıda ózin jaısyz sezingendikten, sońǵy synǵa shyǵa almady.
Erevanda 14 jasqa deıingiler arasynda úshinshi sanattaǵy Tennis Europe dodasynda Iаroslav Pshenıchnyı men Oljas Esenaly fınalda reseılik Ivan Molgın - armenııalyq Davıd Pogosıanǵa ese jiberdi. Qyzdar arasynda Albına Kákenova dál osyndaı básekede reseılik Vıktorııa Ostrıýhpen birge grýzııalyq Teo Chaıa men reseılik Rada Zolotarevadan aılasyn asyra almady.
