Jańa tuǵyrnamanyń negizi – Prezıdent reformalaryn qoldaý

Saıası tuǵyrnamany jańar­tý jumystary bıyl sáýirden bastap júrgizilýde. Kezdesý­di alǵysózimen ashqan Erlan Qoshanov Qazaqstan damý­dyń sapaly ári jańa kezeńine qadam basqanyn, osyǵan oraı partııa qoǵam talabyna saı ózgerýi tıis ekenin atap ótti.

«Memleket basshysy Jańa Qazaqstandy qurý isine qatys­ty aýqymdy mindetter qoıdy. Partııa osy jumysqa belsene qatysyp, Prezıdent reformalaryna qoldaý kórsetýi tıis. Ol úshin Amanat-tyń Saıası tuǵyrnamasyn qaıta qaraý qajet. Bul qadam partııalyqtar­ǵa jańa baǵyt-baǵdar berip, olar­dyń halyq múddesin qor­ǵaý isindegi azamattyq belsendili­gin arttyrýy tıis», dep atap ótti E.Qoshanov.

Partııa tóraǵasynyń piki­rinshe, saıası tuǵyrnamany jańartý jumysy «halyq únine qulaq asatyn partııa» formatynda júrgizilýi tıis. Bul – asa mańyzdy másele. Erkin pikir almasý, keń saıası dıalog qamtamasyz etilýi tıis. Bul jumysqa barlyq amanattyqtar atsalysýy qajet.

«Árbir partııalyq saıası tuǵyrnamany bilip qana qoı­maı, ondaǵy qundylyqtarmen bólisýi kerek. Ony kúndelik­ti jumysynda basshylyqqa alǵany mańyzdy», dep atap ótti E.Qoshanov.

Otyrys barysynda Má­jilistegi Amanat fraksııa­synyń músheleri Aıdos Sarym, Ekaterına Smyshlıaeva, Erlan Saırov, partııanyń Saıası keńesi bıýrosynyń múshesi Marat Shıbýtov, qoǵam qaıratkerleri Murat Ábenov, Danat Jumın, Marat Báshimov, partııa­nyń aımaqtyq fılıaldary­nyń ókilderi oı-pikirlerin orta­ǵa saldy. Partııanyń Saıası tuǵyrnamasynda kórinis tabýy tıis tásilder belsendi talqylaǵan sarapshylar bul qadam «Amanat-tyń básekege qabilettiligin arttyryp, jańa jaǵdaıda saılaýshylardyń senim údesinen shyǵýǵa múm­kindik berýi tıis» dedi.

Otyrys qorytyndysy bo­ıynsha partııa tóraǵasy saıası tuǵyrnamany ázirleý isi­ne qatysty birqatar tapsyrma júktedi. Atap aıtqanda, tuǵyrnama jobasyn jarııa talqylaý uıymdastyrylady. Sonyń ishinde, saraptamalyq kezdesýler, óńirlerde jeke keńester ótkiziledi. Bul jumysqa partııanyń barlyq fılıal­dary, Májilistegi jáne barlyq deńgeıdegi máslıhattardaǵy fraksııalar tartylady.

Aýqymdy talqylaý júrgizý maqsatynda qujat partııanyń saıtynda jáne áleýmettik jelilerde ornalastyrylady. Qujatqa ár otandasymyz óz usynysyn engize alady. Qoǵamdyq saıasat ınstıtýty partııalyqtar arasynda jańa saıası tuǵyrnamanyń ba­symdyqtary jóninde áleý­mettik saýalnama júrgizedi. Qujat jobasy Talqylau dıalog alańynda sarapshylardyń, blogerler men qoǵam belsendileriniń qatysýymen talqyǵa salynady.

Partııanyń saıası tuǵyr­namasynyń qorytyndy jobasy bıyl kúzde respýblıka­lyq partııa konferensııasynda talqylanady.