Kezdesýde konstıtýsııalyq reformanyń negizgi erejeleri, qylmystyq salany jańǵyrtý, qylmystyq proseste azamattardyń quqyqtaryn qorǵaý jáne úsh býyndy modeldi iske asyrý máseleleri talqylandy.
«Quqyq qorǵaý júıesin jetildirý «Prokýratýra týraly» Konstıtýsııalyq zańdy ázirleýdi kózdeıdi. Prokýratýra organdarynyń mártebesin Konstıtýsııalyq zań deńgeıinde bekitý zańdylyqty arttyrýǵa, prokýrorlar qyzmetiniń kepildikterin nyǵaıtýǵa yqpal etedi. Sondaı-aq prokýratýranyń joǵary qadaǵalaý organy retindegi quqyq qorǵaý áleýetin kúsheıtedi», dedi Vladımır Volkov.
О́z kezeginde, aýdan prokýrory depýtatqa zańdylyq pen quqyqtyq tártiptiń jaı-kúıi týraly málimet berdi. Sonymen birge ol prokýratýra asa aýyr sanattaǵy qylmystar boıynsha aıyptaý aktilerin jasaıtyn qylmystyq prosestiń úsh býyndy modeliniń ekinshi kezeńiniń iske asyrylýy týraly aıtyp berdi.
«Prokýrorlardyń jumysy aıtarlyqtaı ózgerdi. Olardyń ókilettikterin arttyrýmen qatar jaýapkershilik te kúsheıe tústi. Azamattardyń qylmystyq proseske negizsiz tartylýyna jol bermeý jáne proseske qatysýshylardyń konstıtýsııalyq quqyqtaryn qorǵaý mańyzdy», dep atap ótti senator.
Sonymen qatar Vladımır Volkov Úlken Almaty aınalma joly qurylysynyń barysymen tanysyp, Talǵar aýdanyndaǵy 1 200 oryndyq jańa mektepke bardy. Turǵyndarmen kezdesýde depýtat qylmystyq prosestiń úsh býyndy modelin iske asyrý, sondaı-aq sıfrlandyrýdy engizý máselelerin talqylady.
«Qoǵam quqyq qorǵaý jáne sot júıelerinen naqty ózgerister kútýde. Qazaqstanǵa azamattar men kásipkerlerdiń quqyqtary men múddelerin barynsha qorǵaýdy qamtamasyz etetin quqyqtyq júıe qajet», dedi depýtat.
Al Parlament Senatynyń depýtaty Erik Sultanov Soltústik Qazaqstan oblysynyń Aqjar aýdanyndaǵy birqatar áleýmettik nysanǵa arnaıy bardy. Depýtat Lenıngrad aýyldyq okrýgin abattandyrý barysymen, jańa dıirmenniń jaı-kúıimen jáne Dáýit-Lenıngrad avtojolynyń kúrdeli jóndeý jumystarymen tanysty. Erik Sultanov aýdan turǵyndarymen kezdesýde jergilikti halyqtyń ál-aýqatyn jaqsartýǵa baǵyttalǵan basymdyqtardy atap ótip, «Kókshetaý joldary» JShS-nyń jumysyna oń baǵa berdi.
«Elimizdiń barlyq avtojolyn jańǵyrtý, zamanaýı, jaıly jáne senimdi kólik ınfraqurylymyn qurý – Memleket basshysynyń Qazaqstan halqyna Joldaýynda qoıylǵan mańyzdy mindetterdiń biri», dedi senator Erik Sultanov.
Depýtat Ýálıhanov aýdanynyń sharýalarymen kezdesip, aýyl turǵyndaryn tolǵandyrǵan máselelerdi talqylap, astyq qoımasynyń, mal sharýashylyǵy jáne taýarly sút fermasynyń qyzmetimen tanysty.
Kezdesý barysynda senator jerlesterine Palata qyzmetiniń qorytyndylary týraly aıtyp, ótken sessııa barysynda qabyldanǵan zańdardyń negizgi normalaryna toqtaldy.
