1 100-den asa jastyń qatysýymen ótetin atalǵan festıval barysynda skeıter, roller, samokat, BMX, basketbol (3h3), kóshe bıi, qol kúresi, vorkaýt, treıser jáne Dota 2 kıbersporttan básekeler uıymdastyrylady. Irikteý kezeńi tórt alańda ótedi. Atap aıtsaq, basketbol, strıt vork-aýt, kóshe bıi jáne qol kúresiniń sheberleri «Almaty Arenada» óner kórsetedi. Agressıvti rolık, kık-skýter, BMX jáne skeıtbordıngtan saıystar Ortalyq saıabaqta ótedi. Treıserler 3RUNKZSCHOOL parkýr mektebinde jáne kıberatletter «Arena 2.0» kompıýter klýbynda sheberlik baıqasady. Al jankúıerlerge qolaıly bolýy úshin Grand-fınaldyń jalaýy bir sport alańynda, ıaǵnı «Almaty Arenada» jelbireıdi. Dúbirli doda aıaqtalǵan bette kórermender estrada ónerpazdarynyń qatysýymen ótetin konserttik baǵdarlamany tamashalaıdy.
Alataý bókterinde ornalasqan ásem qalada Almaty Urban Fest festıvali buǵan deıin eki ret dúrkirep ótken edi. Jergilikti sport basqarmasynyń muryndyq bolýymen 2019 jáne 2021 jyldary uıymdastyrylǵan jarystar joǵary deńgeıde ótip, kópshiliktiń qyzyǵýshylyǵyn týǵyzdy.
