Qýanarlyǵy, qazir Alataý aımaǵyndaǵy aýa qysymy qalypty, oraqshylarǵa tabıǵat kómektesip turǵandaı. Tehnıkanyń da tilin taýyp, jumys istep jatqan besaspap jandar jarap tur. Alaıda memleket qoldaýymen bólinip, arzan baǵada beriletin janarmaıdyń jetispeýshiligi týyndady. Jalpy, byltyr aımaqta egin egý jumystaryna barlyǵy 29,5 myń tonna dızel otyny bólinip, dıqan men sharýa onyń 15,3 myń tonnasyn nemese 51,8 paıyzyn ǵana ıgergen kórinedi. Bul qısynsyzdaý úrdis bıyl baıqalypty. Máselen, osy jyly oblysqa 24,5 myń tonna dızel otyny bólindi. Onyń ishinde kóktemgi egin jumystaryna berilgen 14,4 myń tonna dızel otynynyń 6,9 myń tonnasy ǵana paıdalanylǵan.
Aýyl sharýashalyǵy basqarmasynyń mamandary muny sharýa qojalyqtarynan ótinimniń az mólsherde bolǵanymen túsindiredi. Iаǵnı aldyn ala tapsyrys berilmegennen keıin qajetti mólsherdegi janarmaıdy tómendetilgen baǵada alý múmkin emes.
Biraq osy baǵyttaǵy jumysqa taldaý jasaǵan Qarjylyq monıtorıng agenttiginiń Almaty oblysy boıynsha ekonomıkalyq tergeý departamenti aýyl sharýashylyǵy taýaryn óndirýshilerge bólingen dızel otynyn kepildi baǵamen bólý jáne jeńildikpen beriletin dızel otynyn josparlaý zańmen rettelmegenin anyqtady. Ekonomıkalyq tergeý departamenti basshysynyń orynbasary Baqytjan Tóleýovtiń aıtýynsha, maýsymdyq jumys kezinde arzandatylǵan dızel otynynyń tapshylyǵy týyndaǵan. Qazir janarmaı baǵasynyń orynsyz ósýine jol bermeý, ony bólý, taratý, ıgerý jáne oryn alǵan kemshilikterdi zań aıasynda sheshý joldary qarastyryldy. Osy oraıda sharýalar men mamandar pikir almasyp, usynys-tilekterin ortaǵa salýy da mańyzdy. Quzyrly organnyń tekserýinen keıin kúzgi jıyn-teringe bólingen 10,1 myń tonna dızel otyny kestege saı ıgerile bastaǵan. Qazir jeńildetilgen resýrstardy paıdalaný kezinde zań talaptarynyń saqtalýyn qamtamasyz etý jumysy jalǵasýda.
Aıtpaqshy, jeńildikpen berilgen janarmaı jergilikti sharýalarǵa úlken demeý. Muny sezingen sharýa qojalyqtary ekpindi eńbekpen oraq naýqanyna úles qosýda. Mysaly, Balqash aýdanyndaǵy mal ósirýshi sharýashylyqtar jemshóp daıyndaý jumysyna qyzý kiristi. Bıyl aýdan kóleminde 14 877 gektar sýarmaly jerge kópjyldyq jońyshqa egilgen. Búginde ekinshi orylymnyń 6 836 gektary shabylyp, 5 498 gektary bastyryldy. Munyń syrtynda 236 gektar jerden 12 828 tonna pishendeme daıyndalǵan. Osy aýdandaǵy «О́tes-Aqdala» seriktestiginiń shabyndyq alqabynda shalǵynyń úninen qulaq tunady. Sharýashylyq brıgadıri Ábish Birlikbaev ózderine tıesili
1 548 gektar jerge kópjyldyq shóp ekkenin, búginde alqapqa ekinshi oraq túskenin aıtady. Shabyndyqtyń 140 gektaryn shaýyp, 60 gektaryn bastyrǵan. Shóp shabýǵa qajetti tehnıkalar da saqadaı saı jumys istep tur eken.
– Qysqy mal azyǵyn ýaqtyly daıyndaýdy maqsat etken pishenshiler, tań bozynan keshke deıin mańdaı terletip, eńbek kórigin qyzdyrýda. Jońyshqa japyraǵy kók maısa kúıinde tıisti jerge jóneltilip jatyr. Shóp orý naýqany bastalǵaly jumystaryn tııanaqty atqaryp júrgen Qurysh Qıqaev pen Erǵanat Asanbaı sııaqty mehanızatorlardy maqtan etemiz, – deıdi sharýashylyq brıgadıri Ábish Birlikbaev.
Almaty oblysy
