Máselen, Soltústik Qazaqstan oblysy Aıyrtaý aýdanynyń turǵyndary partııanyń respýblıkalyq mobıldi qoǵamdyq qabyldaý bólmesiniń ókilderine sýmen qamtý, joldardy jóndeý, kóshelerdi jaryqtandyrý, jumysqa ornalastyrý jáne kásipkerlikti qoldaý sekildi máseleler boıynsha júgindi.
Antonovka aýylynyń turǵyny Irına Ekımenko jańa sý qubyryn salý máselesin kóterdi. Onyń aıtýynsha, aýyldaǵy sý qubyry 80-shi jyldan beri bar bolsa, onyń 90 paıyzynyń tozyǵy jetti. «Men qoǵamdyq qabyldaý bólmesine habarlasqan soń eki aıdan keıin jobalaý-smetalyq qujattamanyń daıyn bolatyny, al qarasha aıynda bıýdjetten aqsha suralatyny týraly jaýap aldym», dep atap ótti I.Ekımenko.
Atyraý oblysyna qarasty Isataı aýdanynda qabyldaýǵa 30-dan astam adam keldi. О́zekti máselelerdiń qatarynda jol jóndeý, aýyldardy abattandyrý jáne áleýmettik mańyzy bar nysandardyń qurylysyna qatysty suraqtar bar.
Tushyqudyq aýyldyq okrýginiń turǵyny, zeınetker Baǵıla Ibragımova avtokólik joly arqyly malǵa arnalǵan ótkel salý máselesi boıynsha ótinish bildirdi. «Partııaǵa aýyl turǵyndarynyń atynan keldim. Bizdiń aýyl arqyly ótetin Atyraý-Astrahan tas jolyn qaıta jóndeýden ótýine baılanysty malǵa arnalǵan ótkel qajet. Oǵan laıyqty oryn da daıyn. Alaıda bizdi tolǵandyrǵan máseleniń aıaqsyz qalmaı, baqylaýda bolǵanyn qalaımyz», dedi aýyl turǵyny.
Qabyldaýǵa kelgen jergilikti turǵyn Qalıdolla Qadyrov amanattyqtarǵa jaıylymdyq jerlerdiń jetispeýshiligi máselesi boıynsha shaǵymyn aıtty. «Jaqyn mańdaǵy ózek aýmaǵynda sý joq. Sondyqtan sý men shóp izdep kórshi aýyldarǵa mal aıdap ketýge týra keledi. Biz aýylda mal jaıatyn jáne sýaratyn oryn bolǵanyn qalaımyz. Keıbir jerlerdi jeke sharýashylyqtar jekeshelep qorshap aldy. Partııa bul máseleni respýblıka deńgeıinde kóterip otyr. Sondyqtan biz bul máseleniń oń sheshimin tabatynyna senimdimiz», deıdi ol.
Amanat partııasy Respýblıkalyq qoǵamdyq qabyldaý bólmesiniń basshysy Álııa Sadyrbaeva 4 shildede shalǵaı eldi mekenderge sapardyń ekinshi kezeńi bastalǵanyn atap ótti. «Birinshi kezeń 14 naýryz ben 14 maýsym aralyǵynda ótti. Ekinshi kezeń kezinde 131 aýyldyq okrýgte bolyp, myńǵa jýyq adam qabyldady. Máselelerdiń 25 paıyzy der kezinde oń sheshimin tapsa, qalǵandary baqylaýǵa alynady», dedi Álııa Sadyrbaeva.
Eske sala keteıik, partııanyń qoǵamdyq qabyldaý bólmelerine jyl basynan beri 91 myńnan astam adam júgindi. Memlekettik organdardyń basshylary men túrli deńgeıdegi depýtat 18 myńnan astam qabyldaý ótkizip, onyń barysynda 46 myńnan astam adam qabyldandy.
