Ústimizdegi jyldyń maýsym aıynda Nıl Megnıdi jeńgen soń qazaqtyń qaısar uly AQSh ókilin aıqasqa shaqyrǵan edi. Qazirgi kezde qos tarap kelissóz júrgizip jatqan kórinedi. Eger olar ortaq mámilege kelse, onda Rahmonov pen Tompson osy jyldyń jeltoqsan aıynda jekpe-jekke shyǵady. Al Shavqattyń yqtımal qarsylasy jaıynda biz ne bilemiz? Stıven 39 jasta. Ol Ońtústik Karolına shtatynyń Sımpsonvıll qalasynda dúnıege keldi. Bastapqyda Tompson kıkbokspen aınalysyp, zor tabysqa qol jetkizdi. Ol 57 básekeniń barlyǵyn óz paıdasyna sheshti. 2010 jyly aralas jekpe-jekke den qoıdy. Kóp uzamaı UFC-men kelsimshartqa otyrdy. Barlyǵy 23 kezdesý ótkizgen amerıkalyq sportshy sonyń 16-synda jeńiske jetip, segiz qarsylasyn esinen tandyrdy. Alty ret utylyp, taǵy bir básekede teń esep tirkeldi.
Byltyr Stıven Tompson oktagonǵa eki ret shyǵyp, Gıblert Berns pen Belal Mýhammadtan upaı sanymen utyldy. Qazirgi kezde ol jartylaı orta salmaqtaǵylardyń reıtınginde altynshy oryndy ıelenýde.
