Perspektıvadaǵy damýymyzdyń naqty baǵyttaryn 2021 jyldyń 1 qyrkúıegindegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna arnaǵan Joldaýynda jáne 2022 jyldyń 11 qańtaryndaǵy Parlamentte, sondaı-aq Ulttyq quryltaıda sóılegen sózderinde taǵy da naqtylap kórsetip, Jańa Qazaqstannyń ekonomıkalyq-áleýmettik damý baǵyttaryn anyqtap berdi.
Prezıdent qyzmetinde áleýmettik-ekonomıkalyq damýmen birge, elimizde ashyq qoǵam qurý máselesine de basa nazar aýdarylǵan. Máselen, bılik pen qoǵam arasyndaǵy dıalogty tıimdi iske asyrýǵa bastaıtyn mańyzdy jáne ózekti sheshimder qabyldandy. Beıbit jıyn jáne mıtıng ótkizý, partııalar qurý, oppozısııanyń Parlamenttegi rólin kúsheıtý týraly zańdarǵa ózgerister men tolyqtyrýlar engizildi.
Qasym-Jomart Kemeluly óziniń Prezıdent retindegi eń basty maqsaty – halqymyzdyń birligin saqtaý, ár azamattyń quqyǵyn qorǵaý, ál-aýqatyn jaqsartý jáne árdaıym Qazaqstannyń ulttyq múddesin bárinen bıik qoıý ekenin qadap aıtty. Qolǵa alynǵan memlekettik baǵdarlamalar men jobalar Memleket basshysynyń isker de batyl basshylyǵymen júıeli negizde iske asyrylý ústinde.
О́tken úsh jarym jyl óte kúrdeli jyldar boldy, kóptegen syn saǵatty bastan ótkerýge týra keldi. О́ıtkeni el Prezıdenti osy kezeńde álem jurtyn alańdatqan kedergilermen birge, el ishindegi túrli tosyn saıası oqıǵalarmen, apattarmen de kúresýge májbúr boldy. Ári kez kelgen syn-qaterlerge laıyqty toıtarys berip, shuǵyl, batyl ári mańyzdy sheshimder qabyldaı alyp otyr. Sol sebepti halyqtyń Prezıdentke degen senimi ýaqyt ótken saıyn artyp, kúsheıip keledi. Qoǵamnyń árbir múshesi sol senimin belsendi de adal eńbegimen eseleı tússe, elimiz de eńsesin tiktep, bolashaǵymyzǵa alańdamaı tirshilik etetin kúnge de jetetinimiz kúmánsiz.
Bılibaı MÚSILIMOV,
professor
TARAZ
