Jalpy alǵanda marapattar jaıdan-jaı shyǵaryla salǵan dúnıe bolmasa kerek. Kim-kimdi de úlken isterge umtyldyrýdyń tóte joly, ádemi ádisi desek jón bolar. Belgili bir marapatqa qol jetkizgen adamnyń soǵan laıyq bolýǵa qulshyna umtylatyny, jańa bıikterdi baǵyndyrýǵa tyrysatyny aıtpasa da túsinikti. Al marapat ıesin kórgen ekinshi adamnyń da sondaı qurmetke jetý úshin maǵan nege talpynyp kórmeske deýi – tabıǵı zańdylyq.
Osy turǵydan keletin bolsaq, qurmetke laıyqty azamattar bizdiń Tasqalada da barshylyq. Máselen, jaqynda aýdan ákimdiginiń úlken májilis zalynda aýdan aktıviniń otyrysy ótti. Onda bilim salasynyń ardageri Baqtyǵul Jumajanulyna, jurtshylyqqa janashyrlyǵymen belgili azamat, «Batys Qazaqstan qurylys materıaldary korporasııasy» AQ-nyń dırektory Muhamedjan Aısabaıulyna, 2001-2004 jyldary Tasqala aýdanynyń ákimi qyzmetin atqarǵan, aýdannyń áleýmettik-ekonomıkalyq damýyna aıtarlyqtaı úles qosqan qaıratker Salaýat Ǵabbasulyna «Tasqala aýdanynyń qurmetti azamaty» ataǵy berilip, tósbelgiler tapsyryldy.
Aýdan ákiminiń tóraǵalyǵymen ótken jıynǵa oblystyq tabıǵı resýrstar jáne tabıǵat paıdalanýdy retteý basqarmasynyń basshysy Aldııar Sansyzbaıuly, aýdandyq máslıhat hatshysy Janar Nurbolatqyzy, aýdan ákiminiń orynbasary Talǵat Asqaruly, aýdandyq qoǵamdyq keńes tóraǵasy Ganmırlan Ǵusmanuly, aýdandyq mekemeler men uıymdar basshylary, sondaı-aq aýyldyq okrýg ákimderi qatysty.
Rafhat HALELOV,
jýrnalıst
Batys Qazaqstan oblysy
