Otandyq teleserıaldardyń tarıhynda birinshilerdiń biri bolyp joǵary reıtıng jınaǵan «Syrǵalym» teleserıaly sáýir aıynda kilt aıaqtalyp qaldy. Oqıǵalary shyrqaý shegine kóterilgende bitip qalǵandaı bolǵan serıaldan syr baǵyp júrgen kórermender qońyltaqsyp qalǵany shyn. Alaıda, ulttyq arnada júrgen serıal shym-shytyryq oqıǵalarymen, shuraıly qazaq tilimen, akterlerdiń sheberligimen, eń bastysy – ózimizde de tamasha teletýyndylar jasaýǵa bolatyndyǵymen aıryqshalanǵanyn kim joqqa shyǵara alady?!
Degenmen, kóptiń suranysyna oraı, atalmysh teleserıal jalǵasyn tabatyn boldy. «Syrǵalym» aıaqtalǵanyna qaramastan, kórermender tarapynan suranystar men saýaldar kóp bolypty.
Sonymen, otandyq serıaldar óndirisi tarıhynda eń joǵary reıtıng jınaǵan «Syrǵalymnyń» alǵashqy maýsymynyń aıaqtalýyna qatysty Almatydaǵy «Meloman GRAND» dúkeninde baspasóz máslıhaty ótip, jýrnalısterge túsirý tobymen, teleserıaldyń akterlerimen suhbattasýdyń sáti tústi.
Tórt aı boıy «Qazaqstan» telearnasynan túspegen, eki tilde júrgen, 48 serıaly «Syrǵalym» mıllıondaǵan kórermenniń kóńilinen shyqty.
Zaman qalaı ózgerse de, qazaqtyń janyn, úlkenge degen qurmetin, ulttyq qasıetimiz ben otbasylyq qundylyqtardyń quldyramaýyn dáriptegen fılm birinshi kezekke adamgershilikti, uıat pen obal-saýapty shyǵardy.
Eń bastysy – qunarly tilimizdiń oryndy qoldanylýymen, tipti, umyt bola bastaǵan ǵajaıyp sóz tirkesteri, balamaly baılyǵy serıalda saltanat qurǵanyn kókiregi oıaý kórermen ańǵardy dep oılaımyz.
Endeshe, óz ultymyzǵa tán bolǵan serıalǵa suranys bar degen sóz. Atalmysh serıal, bir jaǵynan, «Qazaqstan ulttyq telearnasynyń tapsyrysyn oryndaǵan «Kórkem fılm» kınokompanııasyna da ári abyroı ári syn boldy.
Aıtqandaı, bul telehıkaıa – qazirgi zamanǵy otbasynyń kúndelikti ómiri jaıly bolatyn. Otaǵasy óziniń jaqyn dosynyń qyzyn basyna qıyn kún týǵanda qolyna alyp, oń-solyn tanyǵansha qamqor bolýǵa sheshim qabyldaıdy.
Qyzyqtyń bári osy tustan bastalady. Aýyldan kelgen Syrǵalym úlken otbasynyń kúndelikti ómirin ózgertip jiberedi. Biriniń óz bıznesi bar, otbasyly úıdiń úsh ulynyń oǵan degen kózqarasy da ártúrli. Tuńǵyshy baýyryna tartady, ortanshysy jaqsy kórip qalady, kenjesi jaqtyrmaıdy.
Syrǵalym kelgen kúnnen-aq shańyraqtyń qupııasy ashyla bastaıdy. Árkim ómirine ózgeshe kózqaraspen qarap, árqaısysynyń ózindik minezi de, syry da ashyla túsedi.
Sonymen, Almatyda túsirý tobymen bolǵan kezdesýge «Qazaqstan» RTRK» AQ basqarmasynyń tóraǵasy Nurjan Muhamedjanova, «Kórkem fılm» kınokompanııasynyń bas dırektory, ssenarıı avtory ári rejısseri Rashıd Súleımenov, prodıýser Ilham Djalılov, basty rólderdegi – Juldyz Mahanova men Qaısar rólindegi Jandarbek Sadyrbaev qatysty.
«Qazaqstan» ulttyq telearnasynyń basshysy Nurjan Jalaýqyzy:
– Serıal kásipteri ártúrli, jastary bólek, san alýan salada júrgen jandardyń kópshiligine unady. Sońǵy serııasy sáýir aıynda kórsetilse de, jalǵasy bola ma dep surap jatqan kórermender legi jetkilikti bolyp tur. Serıaldy tamashalaǵandardyń ortasha kórsetkishi 10,2 paıyzdy qurady. Bul – bizdiń telearnanyń ortasha kórimdiliginen joǵary. Osyǵan oraı, biz serıaldy ári qaraı jalǵastyrýǵa sheshim qabyldap otyrmyz. Sondyqtan serıaldy tamashalaǵan kórermenderimizdi qýantyp qoıǵym keledi. Ústimizdegi jyly «Syrǵalym-2» serıaly jalǵasady jáne ol 32 epızodtan quralatyn bolady, – dedi.
Al serıal rejısseri Rashıd Súleımenov serıal ıdeologııalyq jáne mádenı mánmen sýarylyp, qaı turǵydan bolsa sapalyq deńgeıge kóterilgenine qýanatynyn jetkizdi.
– Shyn máninde, «Syrǵalym» halyqtyq kartına boldy. «Qazaqtyń Santa Barbarasy» dese de bolady. Muny sandarmen dáıektegende, kún saıyn serıal bastalǵanda jarty mıllıon kórermen «Qazaqstan» telearnasyna birden aýysyp otyrdy, – deıdi «Kórkem fılm» kınokompanııasynyń bas prodıýseri Ilham Djalılov.
Osy arada qurylǵanyna bes jyl bolǵan «Kórkem fılm» kınokompanııasy birneshe jobalardy sátimen júzege asyrǵanyn aıta ketýge bolady. Olardyń arasynda «Úı bolý qıyn» komedııasy men «Dostar» jastar serıaly bar.
Bar bolǵany mýzykalyq beınebaıandar túsirýmen shyǵarmashylyq soqpaqqa túsken kınokompanııanyń qazirgi tabysty dúnıesi – «Panchbot» dep atalatyn kishkentaı balanyń ómiri týraly qysqa metrajdy kartına. Bul fılmniń de rejısseri men ssenarıı avtory – Rashıd Súleımenov. Bul fılm eki jyl ishinde túrli nomınasııadaǵy 13 halyqaralyq júldege ıe bolsa, «Eń úzdik ssenarıı» ataǵyn ótken aptada ǵana jeńip aldy.
Aınash ESALI,
«Egemen Qazaqstan».
ALMATY.
Degenmen, kóptiń suranysyna oraı, atalmysh teleserıal jalǵasyn tabatyn boldy. «Syrǵalym» aıaqtalǵanyna qaramastan, kórermender tarapynan suranystar men saýaldar kóp bolypty.
Sonymen, otandyq serıaldar óndirisi tarıhynda eń joǵary reıtıng jınaǵan «Syrǵalymnyń» alǵashqy maýsymynyń aıaqtalýyna qatysty Almatydaǵy «Meloman GRAND» dúkeninde baspasóz máslıhaty ótip, jýrnalısterge túsirý tobymen, teleserıaldyń akterlerimen suhbattasýdyń sáti tústi.
Tórt aı boıy «Qazaqstan» telearnasynan túspegen, eki tilde júrgen, 48 serıaly «Syrǵalym» mıllıondaǵan kórermenniń kóńilinen shyqty.
Zaman qalaı ózgerse de, qazaqtyń janyn, úlkenge degen qurmetin, ulttyq qasıetimiz ben otbasylyq qundylyqtardyń quldyramaýyn dáriptegen fılm birinshi kezekke adamgershilikti, uıat pen obal-saýapty shyǵardy.
Eń bastysy – qunarly tilimizdiń oryndy qoldanylýymen, tipti, umyt bola bastaǵan ǵajaıyp sóz tirkesteri, balamaly baılyǵy serıalda saltanat qurǵanyn kókiregi oıaý kórermen ańǵardy dep oılaımyz.
Endeshe, óz ultymyzǵa tán bolǵan serıalǵa suranys bar degen sóz. Atalmysh serıal, bir jaǵynan, «Qazaqstan ulttyq telearnasynyń tapsyrysyn oryndaǵan «Kórkem fılm» kınokompanııasyna da ári abyroı ári syn boldy.
Aıtqandaı, bul telehıkaıa – qazirgi zamanǵy otbasynyń kúndelikti ómiri jaıly bolatyn. Otaǵasy óziniń jaqyn dosynyń qyzyn basyna qıyn kún týǵanda qolyna alyp, oń-solyn tanyǵansha qamqor bolýǵa sheshim qabyldaıdy.
Qyzyqtyń bári osy tustan bastalady. Aýyldan kelgen Syrǵalym úlken otbasynyń kúndelikti ómirin ózgertip jiberedi. Biriniń óz bıznesi bar, otbasyly úıdiń úsh ulynyń oǵan degen kózqarasy da ártúrli. Tuńǵyshy baýyryna tartady, ortanshysy jaqsy kórip qalady, kenjesi jaqtyrmaıdy.
Syrǵalym kelgen kúnnen-aq shańyraqtyń qupııasy ashyla bastaıdy. Árkim ómirine ózgeshe kózqaraspen qarap, árqaısysynyń ózindik minezi de, syry da ashyla túsedi.
Sonymen, Almatyda túsirý tobymen bolǵan kezdesýge «Qazaqstan» RTRK» AQ basqarmasynyń tóraǵasy Nurjan Muhamedjanova, «Kórkem fılm» kınokompanııasynyń bas dırektory, ssenarıı avtory ári rejısseri Rashıd Súleımenov, prodıýser Ilham Djalılov, basty rólderdegi – Juldyz Mahanova men Qaısar rólindegi Jandarbek Sadyrbaev qatysty.
«Qazaqstan» ulttyq telearnasynyń basshysy Nurjan Jalaýqyzy:
– Serıal kásipteri ártúrli, jastary bólek, san alýan salada júrgen jandardyń kópshiligine unady. Sońǵy serııasy sáýir aıynda kórsetilse de, jalǵasy bola ma dep surap jatqan kórermender legi jetkilikti bolyp tur. Serıaldy tamashalaǵandardyń ortasha kórsetkishi 10,2 paıyzdy qurady. Bul – bizdiń telearnanyń ortasha kórimdiliginen joǵary. Osyǵan oraı, biz serıaldy ári qaraı jalǵastyrýǵa sheshim qabyldap otyrmyz. Sondyqtan serıaldy tamashalaǵan kórermenderimizdi qýantyp qoıǵym keledi. Ústimizdegi jyly «Syrǵalym-2» serıaly jalǵasady jáne ol 32 epızodtan quralatyn bolady, – dedi.
Al serıal rejısseri Rashıd Súleımenov serıal ıdeologııalyq jáne mádenı mánmen sýarylyp, qaı turǵydan bolsa sapalyq deńgeıge kóterilgenine qýanatynyn jetkizdi.
– Shyn máninde, «Syrǵalym» halyqtyq kartına boldy. «Qazaqtyń Santa Barbarasy» dese de bolady. Muny sandarmen dáıektegende, kún saıyn serıal bastalǵanda jarty mıllıon kórermen «Qazaqstan» telearnasyna birden aýysyp otyrdy, – deıdi «Kórkem fılm» kınokompanııasynyń bas prodıýseri Ilham Djalılov.
Osy arada qurylǵanyna bes jyl bolǵan «Kórkem fılm» kınokompanııasy birneshe jobalardy sátimen júzege asyrǵanyn aıta ketýge bolady. Olardyń arasynda «Úı bolý qıyn» komedııasy men «Dostar» jastar serıaly bar.
Bar bolǵany mýzykalyq beınebaıandar túsirýmen shyǵarmashylyq soqpaqqa túsken kınokompanııanyń qazirgi tabysty dúnıesi – «Panchbot» dep atalatyn kishkentaı balanyń ómiri týraly qysqa metrajdy kartına. Bul fılmniń de rejısseri men ssenarıı avtory – Rashıd Súleımenov. Bul fılm eki jyl ishinde túrli nomınasııadaǵy 13 halyqaralyq júldege ıe bolsa, «Eń úzdik ssenarıı» ataǵyn ótken aptada ǵana jeńip aldy.
Aınash ESALI,
«Egemen Qazaqstan».
ALMATY.
