Sharaına
AQSh prezıdenti Barak Obama Normandııada Reseı prezıdenti Vladımır Pýtınmen jeke kezdesip, kelissóz júrgizýdi josparlap otyrǵan joq. Bul týraly Aq úıdiń resmı ókili Keıtlın Heıden málimdedi.
Jalpy, Pýtın men Obama Qyrym Reseıge qosylǵannan keıin alǵash ret odaqtastar áskeriniń Normandııaǵa desant túsirýiniń 70 jyldyǵyna arnalǵan saltanatty sharalar barysynda 6 maýsymda toqaılasady dep kútilýde. Al Normandııaǵa prezıdentter, ózge de memleket basshylarymen birge, ekinshi dúnıejúzilik soǵys qurbandaryna taǵzym etý sharalaryna qatysý úshin baratyn bolady.
Beıbit halyq qan qaqsap qaldy Nıgerııanyń soltústik-shyǵysynda ornalasqan Gamborý qalasyna qarýly jasaqtyń shabýyly 200-den astam beıbit turǵynnyń ómirin qıdy. Jergilikti BAQ-tardyń derekterine qaraǵanda, shabýylǵa radıkaldy «Boko Haram» ıslam toby músheleriniń qatysy bar. Qalaǵa kirmes buryn qarýly jasaq brondalǵan avtomobıldermen jergilikti bazarǵa basa-kóktep kirip, atys uıymdastyrǵan. Sodan keıin olar tikeleı qala ortalyǵyndaǵy úıler men dúkenderge qarata oq jaýdyrǵan. Nıgerııa úkimeti ókilderiniń sózderine qaraǵanda, shabýyldaýshylar áskerı ýnıforma kıip alsa kerek. Nıgerııadaǵy qarýly qaqtyǵys 2009 jyldan beri jalǵasyp keledi. «Boko Haram» eldiń soltústik aýdandarynda sharıǵat zańyna negizdelgen táýelsiz memleketti qurýdy kózdeıdi. «Ál-Kaıda» serkesiniń kózi joıyldy Iemenniń úkimet kúshteri «Ál-Kaıda» terrorlyq uıymy ıemendik qanatynyń basshysy Muhammed Saıd ál-Shabvanıdiń kózin joıǵan. Muny Iemen qaýipsizdik kúshteri komıtetiniń ókiline silteme jasaı otyryp, «Frans-press» agenttigi habarlady. Shabvanı ótken jumaǵa qaraǵan túni el astanasy – Sana qalasynda tártip saqshylarymen atys kezinde atyp óltirilgen. Ol «Ál-Kaıdanyń» asa qaýipti kósemderiniń biri bolyp tabylatyn. Muny Iemenniń quqyq qorǵaý kúshteriniń joǵary shendi ókilderiniń biri málim etti. Shabvanıdiń adam urlaý, polıseıler men sheteldik azamattardy óltirý sııaqty qylmystarǵa tikeleı qatysy bar kórinedi.Qysqa qaıyryp aıtqanda: *Italııanyń burynǵy premer-mınıstri Sılvıo Berlýskonı keshe Mılandaǵy qarttar úıinde qoǵamdyq jumys atqarýǵa kiristi. Ol sottyń sheshimi boıynsha keminde aptasyna tórt saǵat bir jyl boıy osynda jumys isteıtin bolady. *AQSh Kongresi О́kilder palatasynyń zańnama komıteti amerıkalyqtardyń telefondaryn jappaı tyńdaý jáne arnaıy qyzmettiń derekter jınaýyna tyıym salý týraly zań jobasyn maquldady. Zań jobasyn komıtet músheleri biraýyzdan qoldap daýys bergen. *Reseı prezıdenti V.Pýtın Qyzyl alańdaǵy Uly Otan soǵysyndaǵy Jeńistiń 69 jyldyǵyna arnalǵan paradtan keıin 10 jasar Krıstına Kýtepovadan erekshe syılyq aldy. Búldirshin qyz Reseı basshysyna óziniń qolymen salǵan Pýtınniń portretin syıǵa tartty. *AQSh prezıdenti B.Obama Kongrestiń qaraýyna Vetnammen beıbit atom boıynsha kelisim jobasyn joldady. Bul qujat qabyldanar bolsa, AQSh-tyń Vetnamǵa eksportyn 20 mıllıard dollarǵa deıin ulǵaıtýyna jol ashylady. Alaıda, ıadrolyq qarýdy taratpaý ustanymy bul kelisimge kedergi keltirýi de múmkin delinip otyr.
Homs qalasy Bashar Asadtyń qolynda Sırııa áskerleri 8 mamyr kúni Homs qalasyna óz baqylaýyn ornatty. Sırııa prezıdenti Bashar Asadtyń armııasy sońǵy 3 jylda alǵash ret búlikshilerdi Eski qaladan tolyqtaı yǵystyryp shyǵarýǵa qol jetkizdi. Muny «Reıter» agenttigi habarlady. Buǵan deıin Bashar Asadtyń prezıdenttik saılaýǵa qatysatynyn málimdegeni belgili. Saılaý 3 maýsymǵa josparlanǵan. Sırııa oppozısııasy bul saılaýdy fars dep esepteıdi. Al Sırııadaǵy azamat soǵysy 2011 jyldyń kókteminde bastalǵany málim. Eldegi qarýly qaqtyǵys saldarynan kúni búginge deıin 150 myń adam opat bolsa, 2,5 mıllıon sırııalyq eldi tastap shyǵyp, bosqyn atanýǵa májbúr bolyp otyr. Reseı tarıhyndaǵy eń úzdik qolbasshy Aleksandr Sývorov ulttyq konkýrs sheńberinde Reseı tarıhyndaǵy eń úzdik qolbasshy ataǵyna qol jetkizdi. Azamattardyń pikirlerinshe, Reseı áskerı tarıhynda eń úlken dańqqa asa zor úles qosqan naq osy qolbasshy bolyp tabylady. Bul jobany mádenıet mınıstrliginiń qoldaýymen Reseıdiń áskerı-tarıhı qoǵamy uıymdastyrǵan edi. О́tken jyldyń 9 mamyrynan beri tarıh bilgirleri men áýesqoılary Reseıdegi asa kórnekti 100 qolbasshynyń tizimin túzgen bolatyn. Al búkilhalyqtyq daýys berý ótken jyldyń 4 qarashasynda ashylǵan edi. Oǵan mıllıonnan astam adam qatysypty. Endi eń úzdik 10 qolbasshyǵa keletin bolsaq, A.Sývorovtan keıingiler mynalar: A.Nevskıı, F.Ýshakov, G.Jýkov. M.Kýtýzov, P.Nahımov, K.Rokossovskıı, D.Donskoı, A.Ermolov jáne M.Skobelev. Qajylar úshin jeke áýejaı salady Saýd Arabııasynyń batysyndaǵy Taıf qalasynda Mekkege qajylyqqa baratyndar úshin jańa halyqaralyq áýejaı salynady. Áýejaı jyl saıyn qajylyqqa jáne ýmraǵa (kishi qajylyq) baratyndarǵa kez kelgen ýaqytta qyzmet kórsetetin bolady.
Áýejaı qurylysy tenderine halyqaralyq jáne saýdııalyq kompanııalar qatysa alady eken. Al jyl saıyn Mekkege 13 mıllıon musylman baratynyn eskersek, áýejaı kóp uzamaı-aq ózin-ózi aqtaıtyny aqıqat. Qurylys kelisimsharty boıynsha áýejaıdy salǵan kompanııa shyǵynyn ótegen soń, ony memleketke ótkizip beredi. Qazir Mekkeden 70 shaqyrym jerdegi Taıfte jumys istep turǵan áýejaı negizinen ishki reısterge qyzmet kórsetedi. Al jańa áýejaı iske qosylǵanda, qajylardyń Mekkege jetýi aıtarlyqtaı jeńildeıdi.
Internet materıaldary negizinde ázirlendi.
