Qazaqstan áskerı delegasııasyn Qorǵanys mınıstri, general-polkovnık Rýslan Jaqsylyqov basqaryp bardy.
Qorǵanys vedomstvolarynyń basshylary Qarýly kúshter arasyndaǵy yntymaqtastyqty odan ári damytýǵa nıet bildire otyryp, ShYU-ǵa múshe memleketter arasyndaǵy dostyq pen tatý kórshilik qatynastardy nyǵaıtýǵa, óńirdegi beıbitshilik pen turaqtylyqty jáne senimdi ornyqty damytýdy qamtamasyz etý maqsatynda ózara yntymaqtastyqty keńeıtýge ýaǵdalasty.
Keńeske qatysýshylar Aýǵanstandaǵy turaqsyz jaǵdaı erekshe alańdaýshylyq týdyryp otyrǵanyn da atap ótti.
Qazaqstan Qorǵanys mınıstri ShYU Hartııasyna negizdelgen jáne uzaq merzimdi tatý kórshilik, dostyq pen yntymaqtastyq týraly shartty jáne basqa da qujattardy sóz ete kele, uıymǵa múshe memleketter arasyndaǵy qarym-qatynastyń oń sıpaty beıbitshilik pen turaqtylyqty saqtaýǵa, sondaı-aq ShYU keńistiginde qaýipsizdik salasyndaǵy ózekti ortaq problemalardy sheshý joldaryn izdeýge yqpal etetinin atap ótti.
Sondaı-aq, Qazaqstan qorǵanys vedomstvosynyń basshysy, general-polkovnık Rýslan Jaqsylyqov Shanhaı Yntymaqtastyq Uıymyna múshe memleketterdiń Qorǵanys mınıstrleri keńesi aıasynda ózbekstandyq áriptesi general-leıtenant Bahodır Qurbanov jáne Úndistan qorǵanys mınıstri Radjnath Sınghpen kezdesti.
Kezdesý barysynda Qazaqstan men О́zbekstannyń áskerı saladaǵy ekijaqty yntymaqtastyǵynyń qazirgi jaı-kúıiniń aspektileri talqylandy. Kadr daıarlaý, birlesken jaýyngerlik daıarlyq is-sharalaryn ótkizý, áskerı-tehnıkalyq yntymaqtastyq máseleleri tóńireginde áńgimelesti. Mınıstrler Ortalyq Azııa óńirindegi syn-tegeýrinder men qaýip-qaterlerge qatysty pikir almasty.
Al Radjnath Sınghpen ekijaqty kezdesýde taraptar áskerı-tehnıkalyq yntymaqtastyq, bitimgershilik qyzmet, kadrlar daıarlaý jáne áskerı bilim berý máselelerin talqylady.
Qorǵanys vedomstvolarynyń basshylary eki jaqty negizde de, halyqaralyq formattar sheńberinde de eki el arasyndaǵy ózara qarym-qatynas deńgeıin joǵary baǵalap, qorǵanys salasyndaǵy yntymaqtastyqty nyǵaıtýǵa múddeli ekenin bildirdi.
