Kezdesýde «Qazaqstan halqyna» QQ jumysy tanystyrylyp, qordyń bilim berý, densaýlyq saqtaý jáne sport salasyndaǵy iske asyrylyp jatqan qaıyrymdylyq baǵdarlamalary men jobalary keńinen talqylandy. Spıkerler medısınalyq jáne ońaltý ortalyqtaryn jabdyqtaý, erekshe qajettilikteri bar adamdar úshin bilim berý baǵdarlamalaryn engizý, sonyń ishinde qaıta daıarlaý, shyǵarmashylyq jáne sporttyq baǵdarlamalardy qoldaý boıynsha máselelerdi ortaǵa saldy. Jurtshylyqtyń atynan da kóptegen usynystar kelip tústi.
Jıynǵa qalalyq qurylymdardyń basshylary, ÚEU jáne qoǵamdyq uıymdardyń ókilderi, medısınalyq mekemelerdiń, joǵary oqý oryndarynyń basshylary, máslıhat depýtattary, Qoǵamdyq keńes músheleri men mesenattar qatysty.
«Qyrkúıek aıynyń ortasynda ulttyq qaıyrymdylyq konferensııasy ótedi degen jospar bar. Bul konferensııaǵa úsh aı boıy daıyndaldyq. Is-sharanyń mundaǵy maqsaty - qordyń qaıyrymdylyq baǵdarlamalary men jobalarynyń jańartylǵan tujyrymdamasyn bekitý», dedi Bolat Jámishev óz sózinde.
«Medısınalyq uıymdardy oftalmologııalyq skrınıngke jáne shala týǵan nárestelerdiń retınopatııasyn emdeýge arnalǵan jabdyqpen qamtamasyz etý» baǵdarlamasy aıasynda elordadaǵy Ana men balanyń ulttyq ǵylymı ortalyǵy, №2 Kópbeıindi qalalyq aýrýhana jabdyqtalady.
«Qazaqstan halqyna» QQ bilim granttary baǵdarlamasyna elordanyń 11 joǵary oqý orny qatysýǵa tilek bildirdi. Aıta ketsek, qalada múmkindigi shekteýli balalar men jasóspirimderge arnalǵan «Tusaý keser» dene shynyqtyrý-saýyqtyrý úıirmesi jumys isteıdi.
Kezdesý aıasynda Nur-sultan ákimdigi men «Qazaqstan halqyna» qoǵamdyq qory yntymaqtastyq týraly Memorandýmǵa qol qoıdy.
«Búginde qor júıeli jumys júrgizip jatqany belgili. Yntymaqtastyq týraly memorandým bizge áleýmettik jobalardy keńeıtýge múmkindik beredi. Búgingi paıdaly kezdesý barysynda kelip túsken usynystar men naqty jobalardy birge pysyqtaıtyn bolamyz. Bizge erekshe qajettilikteri bar balalardy qoldaý mańyzdy. Máselen, qalada ınklıýzıvti mektepterdiń sanyn kóbeıtý, serebraldy sal aýrýy, aýtızm, daýn sındromy dıagnozymen aýyratyn balalarmen aınalysatyn perınataldy ortalyqtardy, ońaltý ortalyqtaryn jáne onkologııalyq ortalyqty qajetti jabdyqtarmen jabdyqtaý qajet», dedi bas shahar basshysy Altaı Kólginov.
