Yntymaqtastyq jaıyn arqaý etken kezdesý

Qazaqstan Respýblıkasynyń Syrtqy ister mınıstri Erlan Ydyrysov AQSh Memlekettik hatshysynyń birinshi orynbasary Ýılıam Bıornspen kezdesý ótkizdi, dep habarlady QR SIM-iniń baspasóz qyzmeti. Kezdesý barysynda Qa­zaqstan men AQSh arasyndaǵy saıası jáne saýda-ekonomıkalyq yntymaqtastyqtyń jaı-kúıi men bolashaǵy, sondaı-aq, naý­ryz aıynda Gaaga qalasynda ótken Iаdrolyq qaýipsizdik sammıti sheńberindegi Qazaqstan Prezıdenti N.Nazarbaev pen AQSh Prezıdenti B.Obamanyń ýaǵdalastyqtaryn júzege asyrý máseleleri talqylandy. Taraptar jahandyq qaý­ip­sizdik, ásirese, jappaı qy­ryp-joıý qarýyn taratpaý salasyndaǵy eki eldiń ynty­maqtastyǵyn zor qanaǵat­tanǵandyqpen atap ótti. Ame­rı­kalyq dıplomat Qazaqstannyń atalǵan salaǵa qosqan úlesi men bastamalary úshin rıza­shy­lyq bildirdi. Osyǵan oraı, 6 mamyr­da Nıý-Iorkte «ıadro­lyq bestik» elderiniń Ortalyq Azııadaǵy ıadrolyq qarýdan azat aımaqtyń (OAIаQAA) qa­ty­sýshy elderine kepildikter beriletin hattamaǵa qol qoıý­dyń mańyzy erekshe atap ótildi. OAIаQAA-nyń tóra­ǵasy retinde Qazaqstan eki jyl boıy bul máseleni ilge­ri­letý boıynsha jumys istep, Ortalyq Azııa óńiri elde­ri­niń qaýipsizdigin eleýli túrde ny­ǵaıtyp, taratpaýdyń jahandyq júıesine zor úles qosty. Suhbattasýshylar, sondaı-aq, qazaqstandyq-amerıkalyq ekijaqty qatynastardyń, so­nyń ishinde Strategııalyq árip­testik jónindegi komıs­sııa men Energetıka sala­syn­daǵy birlesken komıs­sııa jáne Ǵylymı-tehnıka­lyq yn­tymaqtastyq komıssııa­synyń jemisti qyzmetin atap ótti. Saýda-ekonomıkalyq já­ne iskerlik yntymaqtastyq el­derimiz arasyndaǵy stra­tegııalyq áriptestiktiń mańyzdy quramasy bolyp qala beredi. QR SIM basshysy joǵary tehnologııalar salasyndaǵy AQSh kompanııalarynyń Qazaqstanda birlesken jobalardy jasaýǵa degen qyzyǵýshylyǵynyń artýyn atap ótti. Suhbattasýshylar arasynda halyqaralyq saıasat jáne óńir­lik qaýipsizdiktiń ózekti máse­leleri, sonyń ishinde Ýkraınadaǵy jaǵdaı boıynsha pikir almasý ótti. Osyǵan oraı, barlyq múddeli taraptardyń 17 sáýirde Jenevada qol jet­kizilgen ýaǵdalastyqtardy oryn­daý qajettiligi basa aıtylyp, qaqtyǵysqa tartylǵan tarap­tardyń ustamdylyq tanytyp, odan arǵy qantógiske jol bermeıtinine senim bil­dirildi. Ý. Bıorns elimizdiń Aýǵan­s­tan­dy qalpyna keltirý men ondaǵy qaýipsizdikti qamta­ma­syz etýge qosqan úlesi úshin Qazaqstanǵa erekshe rı­za­shylyq bildirdi. Ol halyq­ara­lyq koalısııa áskerlerin AIR-den shyǵarý aıasynda AQSh, Qazaqstandy qosa alǵanda, óz áriptesterimen Aýǵanstannyń, sonyń ishinde sońǵy otyrysy 2013 jyldyń sáýirinde Al­matyda ótken Ystambul úderisi sheńberindegi turaqty damýyn saqtaıtynyna sendirdi. Dıplomattar barlyq deń­geı­lerdegi únqatysýdy jal­ǵas­tyryp, qazaqstandyq-ame­rı­kalyq strategııalyq áriptes­tik­ti nyǵaıtý men keńeı­týge qo­­sym­sha kúsh salýǵa ýaǵda­lasty.