ASTANA. 10 mamyr. Búgin elimizdiń 6 qalasynda fýtboldan premer-lıga chempıonaty 11-týrynyń oıyndary oınaldy. Bul týraly egemen.kz tilshisi habarlady.
Týrdaǵy eń sońǵy oıyn Aqtóbede jergilikti komanda men Pavlodardyń «Ertisi» arasynda oınaldy. Jáne bul eń mańyzdysy boldy. Sebebi, onsyz da top basynda kele jatqan aqtóbelikter sol qalpyn saqtap qoıa salmaı, ózinen keıingi «Astanadan» upaı alshaqtyǵyn asyra túsýi yqtımal edi. Osyǵan oraı alań ıeleri de oıynǵa baryn saldy. Biraq olar qansha umtylǵandarymen, birinshi taımda esep asha almady. Al ekinshi taımda joldary júrip berdi. Aldymen Markýs Pızellıdiń pasynan soń Marat Haırýllın 69-mınýtta saldy. Munyń artynsha (77) brazılııalyq fýtbolshynyń ózi esepti ulǵaıtty. Sońǵy núkteni 83-mınýtta Aleksandr Geınrıh penaltıden qoıdy.
Bir aıta ketetin jaıt, qonaqtar eseptiń osylaı aıaqtalǵanyna qaramastan, tym nashar oınaǵan da joq. Pavlodarlyq fýtbolshylar bıyl bas jattyqtyrýshy bolyp kelgen Tarmo Rıýıýtlı komandadan qýylyp ketkennen keıin serpilip oınaı bastady.
Semeıde «Spartak» Almatynyń «Qaıratyn» qabyldap, 2:5 esebimen utylyp qaldy. Matchtaǵy birinshi gol 17-mınýtta soǵyldy. Ony Momodý Sıseı penaltıden túsirdi. Biraq 4 mınýttan keıin Nemanıa Chovıch shalqalap jatyp uryp, esepti teńestirdi. Degenmen, bul esep te uzaq turmady. Taǵy da 4 mınýt ótkende, meımandar alǵa shyqty. Ony Jarko Markovıch óz esebine jazdy.
Komandalar ekinshi taımda 4 gol soqty. Oıyn bastalysymen 4 mınýt óte bergende, Iosıp Knejevıch tablodaǵy 3:1-ge jetkizdi. Taǵy 5 mınýtta Aslan Darabaev basymdyqty asyra tústi. Al 60-mınýtta Nemanıa Iovanovıch bir doptyń qarymtasyn qaıtardy. Eń sońynan (69) Sıseı dýbl jasady.
Kelesi bir iri esep Qaraǵandyda «Shahter» men Qostanaıdyń «Tobyly» arasyndaǵy kezdesýde kórinis berdi. Kenshiler 4:1 etip jeńdi. Alǵashqy eki goldy Ulan Qonysbaev 22 jáne 44-mınýttarda saldy. Budan soń Mıhret Topchagıch pen 73 jáne 83-mınýttarda Andreı Fınonchenko esepti eseleı tústi. Osylardyń arasynda (82) Raýl Djalılov bir doptyń qarymtasyn qaıtardy.
Týrda syrt alańdaǵy jalǵyz jeńiske Qyzylordanyń «Qaısary» jetti. Esep – 2:1. Bas jattyqtyrýshy Dmıtrıı Ogaıdyń shákirtteri alǵashqy goldy 11-mınýtta buryshtamadan soqty. Ony Rımo Hýnt basymen uryp túsirdi. Al alań ıeleri tek 52-mınýtta ǵana esepti teńestire aldy (Raýan Sarıev). Osymen oıyn teń aıaqtalatyndaı bolyp kele jatqan. Sol kezde qonaqtar sapynan Sergeı Strýkov (80) maýsymdaǵy óziniń tórtinshi golyn soǵyp, komandasyna jeńis alyp berdi.
Tap osyndaı esep Tarazda da oryn aldy. Onda jergilikti «Taraz» óziniń «máńgi qarsylasy» - Shymkenttiń «Ordabasy» komandasyn tize búktirdi. Alań ıeleri eki goldy da úziliske deıin túsirdi (9, 44). Olarǵa Alekseı Shetkın men Ilıa Vorotnıkov avtorlar atandy. Al meımandardyń jalǵyz goly oıynǵa qosylǵan 4 mınýttyń ishinde soǵyldy (Azat Nurǵalıev).
Elimizdiń eń batys shebindegi Atyraý qalasynda da mańyzdy match oınaldy. Onda top basyna talasyp kele jatqan «Astana» jergilikti komandamen kezdesip, 0:1 esebimen utylyp qaldy. Oıyn taǵdyryn sheshken jalǵyz dopty Mılosh Trıfýnovıch 29-mınýtta penaltıden saldy.
Damır Qojamqul.
Derekkóz: egemen.kz.
Foto: sports.kz.
