Saýaby mol sharany QMDB-nyń Pavlodar oblysy boıynsha ókildigi jáne «Zeket» qaıyrymdylyq qory kásipker azamattardyń uıytqy bolýymen qolǵa alǵan eken. Qaıyrymdylyq aksııasyna jer-jerden qaltaly azamattar ún qosty. Máshhúr Júsip atyndaǵy ortalyq meshitte ótken arnaıy sharaǵa oblystyń bas ımamy Joldas Bertymuratov bastaǵan din qyzmetkerleri jáne «Qamqor – Sharapat» bóliminiń qyzmetshileri qatysty.
– Balalarǵa qýanysh syılaý da baqyt! Allanyń qalaýymen bıyl da mektepke baratyn balalardy qoldap, kásipkerlerimiz, múddeli azamattar óz kómekterin kórsetýde. Jaqsylyqta jarysqan musylman jamaǵatynyń qaıyrymdylyq úlgisi ózge de aǵaıynǵa ónege bolsa eken deımiz. Izgilikti is aldaǵy aılarda da jalǵasady, – dep atap ótti oblystyń bas ımamy Joldas Qospaquly.
Jalpy, qaıyrymdylyq aksııasy aıasynda bul kúni jaǵdaıy tómen, kópbalaly otbasynda turatyn 100 ul men 100 qyzǵa sómke, dápter, qalam, syzǵysh, sırkýl, sýret dápter, qalam ushtaǵysh, jelim, t.b. quraldar úlestirildi.
Aıtyp óteıik, aksııa búginde barlyq aýdan-qalalardyń meshitterinde jalǵasýda. Aqqýly aýdanynda – 30, Aqsý qalasy boıynsha – 31, Ertis aýdanynda – 53, Baıanaýylda – 33 bala, Sharbaqtyda – 23, Jelezınde – 10, Aqtoǵaıda – 33, Maıda – 22, Ekibastuz qalasy boıynsha 150 balaǵa ımandylyq ordalarynyń muryndyq bolýymen kómek kórsetilgen. Sondaı-aq «Ar Rahman», «Bıjan», «Aqmeshit», «Abý Bákir Syddyq», «Omar Farýq» meshiteri de belsene atsalysýda.
Pavlodar oblysy
