Hokkeı. Qazaqstan quramasy Germanııaǵa býllıtten ese jiberdi

ASTANA. 10 mamyr. Belarýs astanasy – Mınsk qalasynda keshe bastalǵan hokkeıden álem chempıonatynyń birinshi týry oınalyp bitti. Onyń barysy taǵy da sensasııa ákeldi. Bul týraly Chempıonat.Rý habarlady. Osy kúni Qazaqstan quramasy da óziniń chempıonattaǵy birinshi oıynyn ótkizdi. Ol Germanııamen kezdesýde tek býllıtten ǵana ese jiberdi – 1:2. Matchtyń negizgi bóligi 1:1 esebimen aıaqtaldy. Sodan keıingi over-taımda osy esep ózgergen joq. Al kezdesýde esepti qazaqstandyq Andreı Gavrılın ashty. Nemister sol birinshi kezeńniń sońynda esepti teńestirdi. Budan ári komandalarǵa shaıba salýdyń reti kelmedi. Al keshe túnde Chehııa Slovakııany over-taımda tize búktirse, AQSh Belarýsti 6:1 etip talqandap shyqty. Búgin oınalǵan qalǵan matchtardyń arasynda Latvııanyń fınderdi 3:2 etip negizgi ýaqytta utyp ketkeni shynynda sensasııa boldy. Qalǵan matchtar mynadaı nátıjeler ákeldi: Italııa – Norvegııa 0:3, Shvesııa – Danııa 3:0. Endi búgin túnde Kanada – Slovakııa, AQSh – Shveısarııa arasynda oıyndarmen ekinshi týr bastalady. Erteń, 11 mamyr kúni Fransııa – Italııa, Norvegııa – Danııa, Shvesııa – Chehııa, Germanııa – Latvııa, Fınlıandııa – Reseı komandalary kúsh synasady. Al Qazaqstan hokkeıshileri alań ıeleri – belorýstarmen doptaıaq túıistiredi. Damır Qojamqul. Derekkóz: Chempıonat.Rý. Foto: Chempıonat.Rý.