AQSh Sırııadaǵy Iran qoldaıtyn qarýly kúshterge shabýyl jasaǵanyn jarııalaǵannan keıin onyń eldegi bazalaryna zymyrandyq shabýyldar jasalǵanyn habarlady. AQSh áskeri zymyrandyq shabýyldarǵa Iran qoldaıtyn jasaqtar jaýapty bolýy múmkin ekenin tilge tıek etti. Shabýyl barysynda eki AQSh sarbazy jeńil jaraqat alyp, bazadan evakýasııalandy degen aqparat tarady.
Eldiń Taıaý Shyǵystaǵy operasııalaryna jaýapty AQSh Ortalyq qolbasshylyǵynyń málimdemesinde bylaı dep jazylǵan: «Sodyrlar Sırııadaǵy eki áskerı bazaǵa zymyrandyq shabýyl jasady. Buǵan jaýap retinde biz de tikushaqtarmen áreket ettik». Qolbasshynyń málimdemesinde Irannan qoldaý kóretin «eki-úsh sodyrdyń qaza bolǵany» týraly aqparat ta bar.
Bir kún buryn AQSh áskeri Sırııanyń shyǵysyndaǵy Deır-ez-Zor qalasyna áýeden soqqy jasaǵanyn habarlady. Olar shabýyldyń negizgi nysany Iranmen baılanysy bar keıbir qarýly toptar dep túsindirgen edi. Sondaı-aq AQSh áskeri soqqyǵa ushyraǵan ınfraqurylym nysandarynyń barlyǵy derlik Iran qoldaıtyn jasaqtarǵa tıesili ekenin alǵa tartyp otyr.
«Bizdiń áýe shabýylyn uıymdastyrýymyzdyń basty sebebi AQSh áskerlerin Iran qoldaıtyn jasaqshylardan qorǵaý jáne bul bizdiń ásker úshin óte mańyzdy», dedi AQSh áskeri ortalyq qolbasshylyǵynyń baılanys dırektory, polkovnık Djo Býchıno.
Sonymen qatar Djo Býchıno atalmysh shabýyldy prezıdent Djo Baıdenniń buıryǵymen uıymdastyrǵandaryn, aımaqtaǵy shıelenis qaýpin shekteýdi jáne qarýly toptar kesirinen qurban bolatyndar sanyn barynsha azaıtý maqsatymen júzege asyrylǵanyn atap ótti.
Djo Býchıno bul shabýyldyń 15 tamyzda Iran qoldaıtyn toptardyń AQSh qyzmetkerlerine jasaǵan shabýyldaryna jaýap ekenin alǵa tartty. Esterińizge sala keteıik, Iran qoldaıtyn toptar 15 tamyzda ushqyshsyz ushaqtarmen amerıkalyq áskerıler paıdalanatyn Ál-Tanf garnızonyna shabýyl jasady. Shabýyl kezinde AQSh áskeri qaza tapqandardyń joq ekenin jáne materıaldyq shyǵyn bolmaǵanyn habarlady. Iran Syrtqy ister mınıstrligi shabýylǵa qatysty málimdeme jasap, AQSh-tyń áreketin «Sırııa egemendigin buzatyn lańkestik áreket» dep synady. Al Sırııa shabýylǵa qatysty eshqandaı resmı málimdeme jarııalaǵan joq.
Esterińizge sala keteıik, shabýyl uıymdastyrylǵan Deır-ez-Zor – Sırııa-Irak shekarasyndaǵy strategııalyq mańyzdy munaı qory bar provınsııa. Bul aımaq Sırııa áskerleri men Iran qoldaıtyn jasaqtardyń baqylaýynda. Sondaı-aq Izraıl aımaqqa soǵys ushaqtarymen jıi shabýyl jasaıdy.
AQSh sońǵy ret ótken jyldyń maýsym aıynda Sırııanyń eki aımaǵynda áskerı jáne qarý-jaraq saqtaý úshin paıdalanylatyn nysandarǵa shabýyl jasaǵan edi. Al AQSh-tyń keshegi shabýyly eks-prezıdent Donald Tramp shyǵyp ketken Iran ıadrolyq kelisimin qaıta jańǵyrtý úshin Eýropalyq Odaq usynǵan kelisim jobasy qolǵa alynǵan kezeńmen saı kelýi oılandyrady.
Qazirgi ýaqytta Baıden ákimshiligi 2015 jyly AQSh, Qytaı, Reseı, Ulybrıtanııa, Fransııa, Germanııa jáne Iran arasynda qol qoıylǵan, biraq 2018 jyly AQSh eks-prezıdenti Donald Tramptyń sheshimimen jasalǵan Eýropalyq Odaq daıyndaǵan ıadrolyq kelisimniń jańa jobasyn qarastyryp jatyr.
Aldaǵy kúnderi atalmysh kelisimge qatysty AQSh Irannyń usynystary men talaptaryn eskere otyryp, sheshim qabyldaıdy dep kútilip otyr.
