Armenııanyń Dılıjan polıgonynda qazaqstandyq komanda quramy – aǵa serjanttar Darhan Aslan, Bektóre Nazashov, Turar Tilegenov jáne qatardaǵy jaýynger Nazıra Álbosynova Armenııa, Belarýs jáne Reseıden kelgen qarsylastaryn basyp ozyp, jarystyń altyn júldesin jeńip aldy.
Saıystyń nátıjesi «Ratnık» qorytyndy kezeńinde sheshildi. Qazaqstandyq áskerı qyzmetshiler erler arasyndaǵy áskerı-qoldanbaly pánder jarysynda jeńiske jetti. Qatardaǵy jaýynger Nazıra Álbosynova áskerı-medısınalyq jarysta úzdik nátıje kórsetip, atys daıarlyǵynyń jattyǵýlaryn sátti oryndap shyqty. Bul kezeńdegi jeńis qazaqstandyq komandaǵa baıqaý tuǵyrynyń joǵary satysyna kóterilýge múmkindik berdi. Jalpykomandalyq esepte ekinshi oryndy Reseı áskerı qyzmetshileri enshilep, Belarýs eliniń ókilderi úzdik úshtikke endi.
Al Ázerbaıjan Respýblıkasyndaǵy áskerı teńizshilerdiń «Teńiz kýbogy» saıysynda qazaqstandyq komanda kúmispen kúpteldi. Birinshi oryndy Ázerbaıjan men Reseıdiń áskerı qyzmetshileri ózara bólisti. Qaı halyqaralyq jarysty alyp qarasaq ta, mamandar qazaqstandyq sarbazdardyń áleýetin joǵary baǵalaýda. Alǵa, Qazaqstan áskeri!
