Ońtústik Kalıfornııa ýnıversıtetinen Memleket basshysy atyna hat keldi

ASTANA. 12 mamyr. Ońtústik Kalıfornııa ýnıversıtetiniń memlekettik basqarý qurmetti professory Chester Nıýland Prezıdent atyna joldaǵan hatynda «Qazaqstan-2050» strategııasy eldiń odan ári ornyqty damýyn qamtamasyz etedi dep jazdy. Bul týraly akorda.kz habarlady. Chester Nıýland óz hatynda elimizdiń ornyqty damýyna jáne áleýmettik, ekonomıkalyq, saıası tabystaryna toqtala otyryp, táýelsizdiktiń alǵashqy jyldarynda jasalǵan batyl qadamdardy atap ótken. Professor: «Zeınetkerler men ózge de kópshilik kómekke asa muqtaj bolǵan qıyn kezeńdegi Siz ben bizdiń az ýaqyt qana kezdeskenimiz esimde. Siz halyqtyń atynan olardyń kúnkórisine ǵana emes, Qazaqstannyń jarqyn bolashaǵyna kepildik bere otyryp, senimdi áreket ettińiz. Astananyń qalyptasýynyń alǵashqy kezderindegi kóptegen qıyndyqtar da oıǵa oralady, qazir bul sol kezde kóptegen syn-qaterler qarsańynda turǵan eldiń eń bir kóregen sheshimi retinde moıyndalyp otyr», – dep jazypty. Budan bólek, ol «Qazaqstan-2050» strategııasy eldiń turaqty damýyn qamtamasyz etetinin aıta kele, búginde konstıtýsııalyq ınstıtýttarymyzdyń nyǵaıa túskenin sóz etken. Sondaı-aq, Ch.Nıýland «A» basqarýshylar korpýsynyń qurylýy, memlekettik qyzmettiń keń aýqymda kásibılendirilýi jáne saıası laýazymǵa taǵaıyndalatyndar sanynyń qysqartylýy Memleket basshysynyń tikeleı yqpal etýimen júzege asyrylǵan jetistikter ekenine nazar aýdarǵan. Professor Chester Nıýland hatynyń sońynda elimizdiń ary qaraı órkendeı beretinine senim bildire otyryp, Qazaqstannyń álemdik syn-qaterler jaǵdaıynda atqaryp otyrǵan aıryqsha róline rızashylyǵyn jetkizgen. Joldybaı Bazar. Derekkóz: akorda.kz. Foto: Dmk.kz.