– Meni kórgenderdiń arasynda Gınnes rekordtar kitabyna ený úshin arbasyn súırep shyqqan degender de boldy. Alaıda men bul saparǵa úsh maqsatpen shyqtym. Qazaqstannyń tarıhı-geografııalyq ortalyǵy Ulytaýdy tanytýdy qazaqstandyq qolónershilerdi qoldaýdy jáne eń bastysy, Qymyz merekesin nasıhattap, ony tól merekemiz retinde kúntizbege engizýdi kózdedim, – deıdi áýesqoı usta, restavrator Sársenbaı ata.
«Uzaq saparǵa shyǵýǵa ekiniń biriniń júregi daýalamaıdy, bul táýekelge qalaı bardyńyz?» degen suraǵymyzǵa ata: «Kóz – qorqaq, qol – batyr» dep tartyp otyrdym, ózimniń Qazaqstanym, el barda dalada qalmaımyn» dep nyq jaýap qaıyrdy.
Árıne, kópti tolǵandyrǵan «Sapar sátti aıaqtalǵan soń nátıjesi qandaı bolmaq? Ne ózgeredi?» degen áleýjeli qoldanýshylaryna Sársenbaı atanyń jaýaby joq emes.
– Ataq kerek desem, bir basymda jetedi. EKSPO kórmesinde ártúrli týyndym, metallýrgııaǵa, jerlesterimniń sporttaǵy jetistikterine arnap jasaǵan buıymym kóp boldy. Sol jyly mýzeıge metallýrgııa salasy boıynsha qolóner týyndylarym qoıylǵan bolatyn.
Al joǵaryda atalǵan maqsattarymnyń núktesi saparym sátimen bitken kezde qoıylmaq. Prezıdentimizge arnaıy hat jazyp, el turǵyndarynyń Qymyz merekesine kózqarastary oń ekenin, aty atalmaı tasada qalǵan myqty qolónershilerdiń eńbegi elenýi keregin, memlekettik tilimiz umyt bolmaı, ulyqtalýyn nazarǵa alýyn suraımyn, – dedi sóziniń sońynda S.Ospanuly.
Sársenbaı qart alys saparǵa 31 naýryz kúni attansa, qazan aıynyń sońyna deıin Aqtaý qalasyna jetpek.
Saparyńyz oń bolsyn, saıahatshy ata!
Aıjan AMANGELDINA
Batys Qazaqstan oblysy,
Syrym aýdany
