Eki kúndik jarys barysynda bilimpaz óte jaqsy nátıje kórsetken. «Arman – erekshe matematık», deıdi stýdentterdi IMC olımpıadasyna daıyndaǵan NÝ Jaratylystaný áleýmettik jáne gýmanıtarlyq ǵylymdar mektebiniń (NU SSH) assıstent-professory Pıotr Skrıpach.
Búginde jas talapker «Informatıka» mamandyǵynyń úshinshi kýrs stýdenti. Bul, jalpy, ýnıversıtet úshin ekinshi altyn medal bolsa, Arman úshin alǵashqy jeńis.
«Men matematıkadaǵy teorııany óte jaqsy kóremin. Matematıkany shamamen qoldanbaly jáne taza dep eki bólikke bólýge bolady. Qoldanbaly – bul adamzatqa praktıkalyq paıda ákeledi. Mysaly, Aqyldy júıeler men jasandy ıntellekt ınstıtýtynda (ISSAI) kúndelikti máselelerdi sheshýde matematıka qoldanylady. Qalǵany taza matematıka», deıdi A.Bolatov.
Ol atalǵan ýnıversıtette О́nerkásiptik jáne qoldanbaly matematıka qoǵamy (SIAM) klýbynyń múshesi jáne ǵalymdar mashınalyq oqytý ádisterin qoldanatyn ISSAI-da ǵylymı kómekshi bolyp jumys isteıdi. Qazir Ortalyq Azııa taǵamdarynyń derekter jınaǵyn toptaýǵa jáne keskinderdi jikteý úlgilerin daıyndaýǵa kómektesýde.
Armannyń aıtýynsha, jańa taqyryptardy zerdeleý kezinde is-qımyl algorıtmin mehanıkalyq túrde jattap qana qoımaı, materıaldyń máni men tujyrymdamasyn túsinýge tyrysý kerek. Eń izdenimpaz balalar qosymsha aqparat kózderine júginedi. Mysaly, Beyond Curriculum qoǵamdyq qorynyń «Suraý» forýmy (ask.bc-pf.org). Bul jerde mektep oqýshylary bir-birine kómektesedi.
Aıtpaqshy, Beyond Curriculum qoǵamdyq qordyń negizin qalaýshy da Taldyqorǵan qalasyndaǵy NIS-tyń 2017 jylǵy túlegi Anton Morgýnov ekenin atap ótken jón.
Jetisý oblysy
