Qaıǵyly oqıǵa 28 tamyz kúni saǵat 10:15 shamasynda Turan dańǵyly, 65 mekenjaıynda ornalasqan «Saýran» qurylys alańynda (bas merdiger «Abylaı qurylys» JShS) bolǵan.
Oqıǵa jaıynda О́nerkásiptik qaýipsizdik komıtetiniń Nur-Sultan qalalyq departamentinen túsinikteme berdi.
«Qazaqstan Respýblıkasy Tótenshe jaǵdaılar mınıstrligi О́nerkásiptik qaýipsizdik komıtetiniń Nur-Sultan qalalyq departamenti ınspektorlary dereý oqıǵa ornyna attandy. Anyqtalǵandaı, jumysty oryndaý barysynda 2002 jyly týǵan jigit munara kranynyń basqarý kabınasynan qulap ketken. Ol alǵan jaraqattarynan sol jerde kóz jumdy», dep habarlady vedomstvodan.
