Kelisim men beıbitshilik – bıikke bastaıdy

Men Qazaqstan halqy Assambleıasynyń múshesi retinde onyń Astana qalasynda ótken XXI sessııasyna qatysqandyǵymdy árkez qýanyshpen eske alatyn bolamyn. Bizdiń halqymyz óziniń ult­tyq quramy jaǵynan san alýan. Osylaı qalyptasýyna tarıhı jaǵdaılar áser etkeni belgili. Biraq, ortaq bir nárse bar, ol – biz, Qazaqstan halqymyz, túrimiz, tegimiz, tilimiz, din men dil árkelki bolsa da, birtutas, biryńǵaı halyqpyz. Qazaqstan halqy Assambleıasy óziniń qurylǵan kezinen bastap Qazaqstanda turatyn halyqtar arasyndaǵy beıbitshilik pen kelisimniń nyǵaıýynda úlken ról atqardy. Sońǵy jyldarda qoǵamdaǵy onyń róli aıryqsha kórine bastady. Assambleıa ju­mysynyń negizgi baǵyty retinde beıbitshilik pen kelisimniń qazaqstandyq ınstıtýty arta tús­ti. Memleketimizben birge qa­lyptasý jolymen júre otyryp, Assambleıa óziniń qajettiligi men men mańyzdylyǵyn kórsetti. Memleket basshysy Qazaqstan halqy Assambleıasy men QR Kon­stıtýsııasynyń 20 jyldyǵyna oraı 2015 jyldy – Assambleıa jyly dep jarııalaýǵa usynys bildirdi. Nursultan Ábishuly ár sessııada tildik saıasat máselesin kóteredi. Búgingi tańda QHA jańa qazaqstandyq patrıotızmniń, ulttyq-memlekettik sáıkestiktiń jáne ulttyq birliktiń nyǵaıýyna óz septigin tıgizip otyr. Assambleıa aldyna memlekettik tildi engizý salasyn keńeıtý men Qazaqstanda turatyn ózge etnostardyń tilderin damytý mindeti qoıyldy. Qazaqstan ýkraındary úshin Qazaqstan halqy Assambleıasynyń bıylǵy sessııasynyń mańyzy zor. О́ıtkeni, IýNESKO-nyń 37-sessııa­synda 2014 jyl T.G.Shevchenko jyly dep jarııalanǵan bolatyn. Al Taras Shevchenko – eki halyqtyń – qazaq pen ýkraındardyń ortaq perzenti bola aldy. Mańǵystaýda Kobzardyń 200 jyldyǵy keń kólemde atalyp ótildi. Prezıdent N.Nazarbaev QHA sessııasynda Ýkraınadaǵy jaǵdaıǵa qatysty óz pikirin bildirdi. Men úshin jáne ár­bir ýkraın ultynyń ókili úshin Elbasynyń bizdiń tarıhı Otanymyz jaıyn­da aıtqan sózi qymbat bolyp tabylady. Elbasymyz Ýkraına jaǵdaıyn beıbit kelisim jolymen sheshý kerek dep sanaıdy, sondaı-aq, Nursultan Nazarbaev «qazirgi tańda Ýkraınada bolyp jatqan barlyq jaǵdaı bárimizdi de oılandyrýy tıis» dedi. Tynyshtyqtyń damý jolyna bastaıtyndyǵyn «Eko­nomıka, ósim, jaqsarý, munyń bári beıbitshilik pen kelisim jaǵ­daıynda ǵana bolady», dep atap ótti Elbasy. Sonymen qatar, ol ýkraına qoǵamy birliginiń tez arada qaıta turaqtanýyna úmit artty. Qazaqstan Respýblıkasyndaǵy adam quqyqtarynyń barlyq túriniń shektelýine jol berilmeıtindigi men qatań jazalatynyn atap ótken Nursultan Ábishuly zań aldynda báriniń teń ekenin jáne «birlik, aýyzbirlik – qoǵamnyń basty baılyǵy» ekendigin qadap aıtty. Sessııada «Dostyq úıi» taqyryby da sátimen qozǵaldy. О́ıtkeni, bul bizdiń oblysymyz úshin de mańyzdy bolyp tabylady. Elbasynyń Aımaqtyq Dostyq úılerin damytý Konsepsııasyn jasaqtaý týraly sózi kóńilge qo­nymdy. Bir memlekette turǵan soń, onyń damýy men tynyshtyǵy – bizdiń bolashaǵymyzdyń kepili. Sondyqtan, Elbasy tapsyrmasymen usynylǵan el damýyna ne­gizdelgen «Qazaqstan – 2050» Stra­tegııasyn birlese júrgizý min­deti týdy. Osy uly iske óz úlesin qosý árbir qazaqstandyqtyń paryzy dep oılaımyn. Sessııada oqylǵan Elbasy baıan­damasy – el retinde, memleket retinde uıysyp, alǵa alańsyz qadam basa berýge senimimizdi nyǵaıtady. Tatıana LESNIChENKO, T.G. Shevchenko atyndaǵy ýkraın etnomádenı birlestiginiń tóraıymy. AQTAÝ.