Otan qorǵaýshy kúni men 9 mamyr merekesin qaraǵandylyqtar zor saltanat jáne kóńil-kúıi órleýi ústinde atap ótti. Oblys ákimi Baýyrjan Ábdishev osy kóktemde ásker qataryna shaqyrylýshylardy shyǵaryp salýǵa qatysýmen birge, soǵys ardagerleriniń bir tobyn qabyldap, barsha adamzatqa qasterli kúnmen quttyqtady. Árqaısysyna 80 myń teńgeden tartý jasalsa, sondaı-aq, Aýǵanstandaǵy aıqastarda erligimen erekshe kózge túsken jaýyngerlik Qyzyl Tý ordeniniń ıegeri, I toptaǵy múgedek Meıram Qadyrbaevqa jeńil kólik tartý etildi.
Qalalar men aýdandar turǵyndary ortalyq alańdarda, saıabaqtarda maıdangerlermen birge bas qosyp, olarǵa ónerden shashý shashty. Astanada ótken áskerı parad qala kóshelerinde ornatylǵan teledıdarlar arqyly tikeleı kórsetildi. Ekinshi dúnıejúzilik soǵysqa óńirden 60 myńǵa jýyq azamat qatysyp, 6587-i jaýyngerlik orden jáne medaldarmen marapattaldy. Sonyń ishinde 33-i Keńes Odaǵynyń Batyry ataǵyn alsa, jeti adam «Dańq» ordeniniń tolyq ıegeri boldy. Bul jyldarda Qaraǵandy men Jezdi, Balqash pen Temirtaý qorǵanys ónerkásibin kómir, marganes, mys, bolatpen úzdiksiz qamtamasyz etip otyrdy. Maıdanǵa attanǵan ákeleri men erleriniń ornynda shahtalarda 12 myń áıel eńbek etti. 3 bıs shahtasynyń shahterleri Jáken Muqanova, Kúlásh Quljanovalardyń eren eńbekteri 1941 jyly jeltoqsanda Sovınformbıýro arqyly habarlandy.
Búginde jasy 90-nan asyp, 100-ge jaqyndaǵan Talǵatbek Abdrazaqov, Semen Krasnogýtskıı aqsaqaldardyń úılerine baryp, arnaıy quttyqtaldy. Birqatar mekemeler men uıymdar soǵys jáne tyl ardagerlerin konserttik kezdesýlerge shaqyryp, maıdannyń súıikti ánderin esterine túsire shyrqady. Merekelik sán-saltanat keshkisin kók júzin san alýan boıaýlarǵa bólegen otshashýlarmen jarqyrady.
Aıqyn NESIPBAI,
«Egemen Qazaqstan».
QARAǴANDY.
Qalalar men aýdandar turǵyndary ortalyq alańdarda, saıabaqtarda maıdangerlermen birge bas qosyp, olarǵa ónerden shashý shashty. Astanada ótken áskerı parad qala kóshelerinde ornatylǵan teledıdarlar arqyly tikeleı kórsetildi. Ekinshi dúnıejúzilik soǵysqa óńirden 60 myńǵa jýyq azamat qatysyp, 6587-i jaýyngerlik orden jáne medaldarmen marapattaldy. Sonyń ishinde 33-i Keńes Odaǵynyń Batyry ataǵyn alsa, jeti adam «Dańq» ordeniniń tolyq ıegeri boldy. Bul jyldarda Qaraǵandy men Jezdi, Balqash pen Temirtaý qorǵanys ónerkásibin kómir, marganes, mys, bolatpen úzdiksiz qamtamasyz etip otyrdy. Maıdanǵa attanǵan ákeleri men erleriniń ornynda shahtalarda 12 myń áıel eńbek etti. 3 bıs shahtasynyń shahterleri Jáken Muqanova, Kúlásh Quljanovalardyń eren eńbekteri 1941 jyly jeltoqsanda Sovınformbıýro arqyly habarlandy.
Búginde jasy 90-nan asyp, 100-ge jaqyndaǵan Talǵatbek Abdrazaqov, Semen Krasnogýtskıı aqsaqaldardyń úılerine baryp, arnaıy quttyqtaldy. Birqatar mekemeler men uıymdar soǵys jáne tyl ardagerlerin konserttik kezdesýlerge shaqyryp, maıdannyń súıikti ánderin esterine túsire shyrqady. Merekelik sán-saltanat keshkisin kók júzin san alýan boıaýlarǵa bólegen otshashýlarmen jarqyrady.
Aıqyn NESIPBAI,
«Egemen Qazaqstan».
QARAǴANDY.
