Joǵary oqý oryndary basshylary ýnıversıtetterdiń qyzmetin tekserý, jekemenshik JOO arasynda kadr daıarlaýǵa memlekettik tapsyrysty teń bólý máselelerin kóterdi. Budan bólek rektorlar joǵary oqý oryndarynyń qyzmetin retteıtin normatıvtik-quqyqtyq aktilerdi jetildirý jóninde usynystar aıtty.
«Ýnıversıtet bazasynda, ásirese óńirlik joǵary oqý oryndary bazasynda bıznes-ınkýbatorlar men tehnoparkterdi damytý jónindegi normany zańnamalyq turǵydan bekitý qajet. Biz akademııalyq artyqshylyq ortalyqtaryn qurý jónindegi joba sheńberinde óńirlik ýnıversıtetterdiń ınnovasııalyq ınfraqurylymyn damytý múmkindikterin qarastyramyz. Zertteý júrgizý úshin ǵylymı zerthanalardy qurýdyń ýaqyty keldi. Memleket basshysynyń tapsyrmasy boıynsha jyl saıyn 500 ǵalym sheteldik ǵylymı taǵylymdamalarǵa jiberiledi. Naqty nátıjeler men zertteýler júrgizý úshin ǵalymdarǵa jaǵdaılar jasalýda», dep atap ótti Ǵylym jáne joǵary bilim mınıstri Saıasat Nurbek.
Sondaı-aq mınıstr óńirlik joǵary oqý oryndaryn damytýǵa, sıfrlandyrýdy kúsheıtýge jáne JOO oqytýshylary men top-menedjmentiniń biliktiligin arttyrýǵa basa nazar aýdardy.
