Bul qazaly habar kópshiliktiń qabyrǵasyn qaıystyrdy. Ásirese Qadyr Qarqabatulymen birge qyzmettes bolǵan, ıa kózkórgenderge qıyn tıdi. О́ıtkeni Qadyr aǵa kezdesken jannyń eshqaısysyn beıjaı qaldyrmaıtyn. Onyń jarqyn júzi, ashyq minezi, jyly sózi kez kelgen adamnyń janyn baýrap alatyn.
Qadyr Qarqabatuly 1944 jyly tamyzdyń ony kúni Shyǵys Qazaqstan oblysy Kúrshim aýdany Kýmashkıno aýylynda dúnıege kelgen.
Eńbek jolyn ınjenerden bastaǵan Qadyr aǵa 1985-1991 jyldary Qazaqstan Kompartııasy Almaty obkomynyń hatshysy, Qazaq KSR Mınıstrler keńesi Tóraǵasynyń orynbasary, Almaty qalalyq partııa komıtetiniń birinshi hatshysy jáne Almaty qalalyq keńesiniń tóraǵasy qyzmetterinde bolǵan. 1991-1993 jyldar aralyǵynda Qazaqstan Respýblıkasy Premer-Mınıstriniń orynbasary qyzmetin atqardy.
Qadyr aǵanyń esimi munaıgaz salasynda ańyzǵa aınalǵan. Onyń esimin estigen adamdar ol kisiniń Qazaqstannyń birinshi Energetıka jáne otyn resýrstary mınıstri bolǵanyn birden eske túsiredi. Odan keıin álemge pash etken «Ǵasyr kelisimsharty», ıaǵnı Qazaqstan men «Shevron» kompanııasy arasyndaǵy kelissózder júrgizý jumys tobyn basqardy, Qarashyǵanaq gazkondensaty ken ornyn ıgerý, Kaspıı qaırańyn barlaý jáne Kaspıı Qubyr Konsorsıýmyn qurý jobalaryna jetekshilik etti. Qadyr Qarqabatuly – Teńiz-Novorossıısk munaı tasymaldaý qubyrynyń salynýyna bas-kóz bolyp, jobanyń sátti júzege asýyna yqpaldasqan tulǵa.
Qadyr aǵa ár kez belsendi edi. Osy ýaqytqa deıin Injınırıngti kompanııalar odaǵyn, Qazaqstan jumysshylary konfederasııasyn basqaryp keldi. Uzaq jyldar boıy Kaspıı Qubyr Konsorsıýmynyń atqarýshy dıreksııasynyń quramynda boldy.
Túrli laýazym ıesi bolsa da, bıik belesterdi alsa da, Qadyr aǵanyń tula boıynan bir sátke de qarapaıymdylyq, kóregendilik, danalyq qasıetteri ketken emes.
«Kaspıı Qubyr Konsorsıýmy» aksıonerlik qoǵamynyń ujymy memlekettik jáne saıası tulǵa, munaıgaz salasynyń ardageri, qadirli Qadyr Qarqabatuly Báıkenovtiń jaqyndaryna qaıǵylaryna ortaqtasyp kóńil aıtady. Jatqan jeri jaıly, topyraǵy torqa bolsyn.
«Kaspıı Qubyr Konsorsıýmy» AQ
