Osy rette aldaǵy 3 jylda aımaqtaǵy sapasyz joldardyń 95 paıyzyn jaqsartý kerektigin basa aıtty.
«Men 2025 jylǵa deıin jergilikti joldardyń keminde 95 paıyzyn jaqsartý jóninde tapsyrma berdim. Úkimet bul máseleni tikeleı baqylaýǵa alsyn. Jol qurylysyndaǵy zańsyzdyqtardy anyqtaý qajet», dedi Prezıdent.
Qasym-Jomart Toqaev bul jumystan naqty nátıje shyǵarý keregin eskertti. Sondaı-aq bıtým tapshylyǵyn sóz etti.
«Bizde áli kúnge deıin bıtým tapshy. Bul – iri kólemde munaı óndiretin el úshin, tipti, uıat jaǵdaı. Úkimet osy máseleni túbegeıli sheshýge tıis. Jalpy, ashyǵyn aıtýymyz kerek, Úkimettiń jumysynda qaıta-qaıta olqylyqtar bolyp jatyr. Birese janar-jaǵarmaı, birese sheker jetispeıdi. Osynyń bári Úkimettiń naqty sheshim qabyldaýǵa kelgende óte baıaý qımyldap, batyl qadam jasaı almaýynan bolyp otyr. Mundaı jaǵdaıǵa azamattardyń da kóńili tolmaıdy. Árıne, bul – oryndy. Sondyqtan, dál osylaı jalǵasa berse, taǵy da naqty kadrlyq sheshimder qabyldaýǵa týra keledi», dedi Prezıdent.
