40 jastaǵy GGG orta salmaq dárejesinde dara tur. Qazaqstandyq boksshynyń sýperchempıon degen ataǵy bar. 30 jastaǵy Aıdos Erbosynulynyń da qarqyny qýantarlyq. Ekinshi orta salmaqta (76,2 kılo) birinshi oryndy ıelenip otyrǵan ol osyǵan deıin 16 kezdesý ótkizip, barlyǵynda jeńiske jetti. 11 jekpe-jekti nokaýtpen aıaqtady. Aldaǵy ýaqytta Aıdostyń altyn belbeý úshin talasatyny anyq. Ázirge bul salmaqtyń sýperchempıony ataǵy Meksıkanyń maqtanyshy Saýl «Kanelo» Alvareske tıesili. Turaqty álem chempıony ataǵyn kýbalyq Devıd «Qabylan» Morrel enshileýde.
Sondaı-aq TOP-10 boksshynyń qataryna myna jigitterimiz enip otyr: Qamshybek Qońqabaev (birinshi aýyr salmaq) – 4, Evgenıı Pavlov (ekinshi asa jeńil salmaq) – 6-oryn. Jánibek Álimhanuly (orta salmaq) – 8, Jan Kosobýskıı (asa aýyr salmaq) – 9 jáne Sultan Záýirbek (ekinshi jeńil salmaq) – 10-oryndar.
