Bul – batyl da senimdi is-qımyl nátıjesi

Qazaqstan Prezıdentiniń atyna Ońtústik Kalıfornııa ýnıversıtetiniń memlekettik basqarý qurmetti professory Chester Nıýlandtan hat keldi, dep habarlady Prezıdenttiń baspasóz qyzmeti. О́z hatynda professor Qa­zaq­stannyń áleýmettik-ekonomıkalyq jáne saıası jetistikterine, onyń óńirlik ári jahandyq kóshbasshy retindegi 1992 jyldan bergi or­nyqty damýyna toqtalǵan. Ch.Nıýland táýelsizdiktiń bas­tapqy jyldarynda júrgizilgen ózgeristerdi iske asyrý kezindegi batyldyqty erekshe atap ótken. «Zeınetkerler men ózge de kóp­shilik kómekke asa muqtaj bol­ǵan qıyn kezeńdegi Siz ben biz­diń az ýaqyt qana kezdeskenimiz esim­de. Siz halyqtyń atynan olar­dyń kúnkórisine ǵana emes, Qa­zaqstannyń jarqyn bolashaǵyna kepildik bere otyryp, senimdi áreket ettińiz. Astananyń qalyp­tasýynyń alǵashqy kezderindegi kóptegen qıyndyqtar da oıǵa oralady, qazir bul  sol kezde kóptegen syn-qaterler qarsańynda turǵan eldiń eń bir kóregen sheshimi retinde moıyndalyp otyr», – dep jazady avtor. Professor qabyldanǵan «Qa­zaq­stan-2050» Strategııasy el­diń odan ári ornyqty damýyn qamtamasyz etedi degen pi­ki­­rin bildiredi. Son­daı-aq, ol Qa­zaq­stannyń búginde konstıtý­sııalyq ınstıtýttardyń nyǵaıýy, zańnyń ústemdigi sala­synda kósh basynan kórinýin jal­ǵastyryp otyrǵanyn aıtady. Ch.Nıýland saıası laýa­zym­ǵa taǵaıyndalatyndar sany­nyń qys­qartylýy, «A» bas­qarý­shylar kor­pýsynyń qury­lýy jáne Mem­leket basshy­synyń basshylyǵymen memle­kettik qyzmettiń keń aý­qymda kási­bı­lendirilýi mańyzdy jetistikter ekenine nazar aýdarǵan. Hatynyń sońynda avtor Qa­zaqstanǵa álemdegi jahandyq syn-qaterler jaǵdaıynda atqaryp otyrǵan aıryqsha róli úshin rı­zashylyq, sondaı-aq, elimizdiń odan ári qaraı qarqyndy damýyna degen senim bildiredi.