Sýretti túsirgen Erlan OMAR, «EQ»
Ekonomıkada azamattardyń óz isin ashýǵa arnalǵan jeke bastamalaryn yntalandyrýǵa kóńil bólinbek. Sonymen qatar salyq rejimin jeńildetý, monopolıster qyzmetiniń tarıfin tómendetý, aýyl sharýashylyǵyndaǵy sýbsıdııalaýdy tıimdi etý syndy saıasat jalǵasady. Árbir qazaqstandyq úshin memleketke jáne onyń tabysyna qatystylyqty seziný óte mańyzdy. Al Prezıdenttiń buǵan jaýaby daıyn: memlekettik aktıvterge halyqtyq IPO engizý, «Ulttyq qor – balalarǵa» baǵdarlamasyn júzege asyrý, jastardyń jumysqa turýyna kómektesý, 2,5% ústememen nesıe berý, «Áleýmettik ámııan» kartasy túrinde ataýly áleýmettik kómektiń ashyq júıesin kirgizý, sybaılas jemqorlyqqa qatysy bar sheneýnikterdiń zańsyz jolmen tapqan tabysynan memlekettik bıýdjetke túsken qarjysy esebinen zamanaýı mektepter salý.
Qasym-Jomart Toqaevtyń Joldaýynda aıtylǵan alda bolatyn saıası, áleýmettik, ekonomıkalyq jáne quqyqtyq salalardaǵy reformalar azamattyq qoǵamnyń ókilderine osy ózgeristerdiń júzege asýyn uıymdastyrýǵa, qoǵamdyq baqylaý jasaýǵa, sondaı-aq aqparattyq-nasıhat jumystaryn júrgizýge múmkindik beretin halyqtyq joba dep nyq senimmen aıtýǵa bolady. Osy oraıda, biz – qoǵamnyń belsendi bóliginiń ókilderi kúrdeli jáne mańyzdy jumysta memlekettiń áriptesi bola bilýimiz kerek.
Gúlnár QURBANBAEVA,
Qaraǵandy oblystyq kásipkerler qaýymdastyǵynyń prezıdenti,
oblystyq qoǵamdyq keńes múshesi
QARAǴANDY
