Nemis aqparat quraldarynyń habarlaýynsha, bul týraly mınıstr Pragada ótken kezdesýde aıtqan.
Berbok Germanııa bıliginiń Ýkraınany qoldaýyn jalǵastyratynyn jáne nemis saılaýshylarynyń bul máseledegi tilekteriniń eskerilmeıtinin atap ótti.
«Eger men ýkraın halqyna «birge bolamyn» dep ýáde bersem, men bul sózimde turamyn. Germanııadaǵy saılaýshylardyń ne oılaıtyny mańyzdy emes. Men ýáde etkendeı, Ýkraınany qoldaımyn», dedi ol.
Sondaı-aq ol Germanııada elektr qýatynyń qymbattaýy aıasyndaǵy narazylyq úkimetti Reseı Federasııasyna qarsy sanksııalardan bas tartýǵa májbúrlemeıtinin aıtty.
Eske salaıyq, 2022 jyldyń 24 aqpanynda Reseı prezıdenti Vladımır Pýtın teledıdar arqyly sóılegen sózinde Ýkraınanyń shyǵysyndaǵy Donbassta arnaıy áskerı operasııa bastalǵanyn habarlaǵan edi.
