Qazaqstan • 04 Qyrkúıek, 2022

Qarýly kúshter Qostanaıdaǵy órtti sóndirýge kómektesýde

313 ret

kórsetildi

1 mın

oqý úshin

Qorǵanys mınıstri general-polkovnık Rýslan Jaqsylyqovtyń nusqaýy boıynsha Qarýly kúshterdiń quramalary men bólimderiniń bólimsheleri Qostanaı oblysyndaǵy órtti oqshaýlaý jónindegi is-sharalarǵa tartyldy, dep habarlaıdy Egemen.kz.

Janbolat Kenjeǵul

Qarýly kúshter Qostanaıdaǵy órtti sóndirýge kómektesýde

О́rt bolǵan jerge birinshi bolyp elordadan áskerı-kólik avıasııasymen 120-dan astam desantshy, sondaı-aq halyqty evakýasııalaýǵa kómek kórsetetin jergilikti aýmaqtyq qorǵanys brıgadasynyń turaqty quramynyń 45 áskerı qyzmetshisi keldi.

О́rtti joıýǵa kóptegen mamandar men áskerı tehnıka tartyldy. «Shyǵys» óńirlik qolbasshylyǵynan 31 birlik arnaıy tehnıka men 38 áskerı qyzmetshi jiberildi. Qostanaı oblysyna «Astana» óńirlik qolbasshylyǵynan shamamen 10 arnaıy tehnıka jóneltildi.

Áskerı-áýe kúshteri materıaldyq quraldar men jeke quramdy daǵdarys aýdanyna aýystyrý úshin áskerı-kólik avıasııasyn, sondaı-aq arnaıy aspadaǵy órt sóndirý júıeleri bar 4 kóliktik-jaýyngerlik tikushaqty jumyldyrdy.

Qarýly kúshterdiń bólimsheleri jedel shtabpen turaqty baılanysta bolady.