Mıýnhendegi qasiret

Mıýnhendegi oqıǵa bylaı órbigen: Sol kúni túngi saǵat 4:30-da Pales­tınanyń radıkal­dy uıy­mynyń muzdaı qarý­lanǵan segiz múshesi jasyryn túrde Olımpıadalyq qalashyqqa enip, Izraıldiń sporttyq de­legasııasy ornalasqan pa­vılon­ǵa keledi. Kirgen bette uıqyly-oıaýly bir­neshe adamdy kepildikke alady. Aralarynda qarsylyq kórsetpek bolǵan sportshylardy aıaýsyz jazalaıdy. Terrorıster ózderin «Qa­ra­ly qyrkúıek» dep atalatyn uıymnyń músheleri ekenderin aıtyp, Izraıl men Batys Eý­ro­pa elderiniń túrmelerinde jatqan «Palestınany azat etý» qozǵalysynyń 250 múshesin saǵat 9:00-ge deıin bosatýdy talap etedi. Al ózderi Mysyrǵa at­tanatyn­daryn aıtyp, «Bizdi ushaqpen qam­tamasyz etińder» deıdi. Saǵat tańǵy altylar sha­ma­­­synda bul oqıǵa jer ja­hanǵa taraıdy.

Áýelde talapqa kóngendeı syńaı tanytqan jergilikti bılik astyrtyn jospar qura­dy. Terrorıster men kepil­dikke alynǵan adamdardy tik­ushaq­pen Mıýnhenniń áskerı aero­dromyna ákelip, «Sizder­di Kaırǵa deıin ushaqpen jet­kizemiz» dep sendiredi. Al aerodrom aımaǵynda snaıperler oq jaýdyrýǵa daıar turady. Ter­rorıster belgilengen jerge jet­­kende, basshylar buıryq be­re­di de, mergender dereý iske k­iri­sedi. Qarsy jaq ta qarap qal­­maıdy. Teledıdar arqyly kúl­li álem bul atys-shabystyń kýási bolady. Nátıjesinde, ke­pil­dikke alynǵandar túgeldeı qaza taýyp, sonymen qosa bes ter­rorıst pen bir polıseı oqıǵa ornynda kóz jumdy. Barlyǵy 17 adam baqılyq boldy. Qalǵan qaraqshylar qolǵa túsedi. Bul oqıǵa «Qaraly qyrkúıek» degen ataýmen tarıhta qaldy.

Izraıldiń sol kezdegi Premer-mınıstri Gold Meır pales­­tınalyqtardan qalaıda kek alýdy kózdep, terrorısterdiń túgeldeı kózderin joıyńdar de­gen buıryq beredi. Ol tap­syr­ma múltiksiz oryndalady. 16 qyrkúıekte «Qaraly qyr­kúıek­tiń» Rım qalasyndaǵy rezı­denti Vael Ábý Svaıter óz úıiniń aýlasynda oqqa ushady. 8 jeltoqsanda Parıjdegi taǵy bir rezıdent, doktor Mahmud Hamsharıdiń telefonyna jarylys qondyrǵysy ornatylyp, onyń kúli kókke ushady. Qaraly tizim sóıtip jal­ǵasa beredi... Bas-aıaǵy jeti jyl aralyǵynda Mıýnhendegi oqıǵa tikeleı qatysy bar radıkaldy toptyń barlyq múshesi qaza tapty.