Bıplan júıesin qoldaný – endovaskýlıarlyq neırohırýrgııanyń «altyn standarty». Bıplan angıografııalyq keshenniń ınnovasııalyq júıesi joǵary tehnologııalyq operasııalardyń senimdiligi men qaýipsizdigin arttyryp qana qoımaı, operasııalardy jasaý prosesin aıtarlyqtaı jeńildetedi.
Medısınalyq ortalyq aýrýhanasynyń operasııalyq bólmeleri zamanaýı úrdisterge súıene otyryp gıbrıdtik operasııalar úshin yńǵaıly uıymdastyrylǵan – endovaskýlıarlyq jáne ashyq operasııalar nemese olardyń birlesken túrlerin jasaýǵa múmkindik bar.
Bul tásildiń biregeıligi – gıbrıdtik operasııalyq bólmede ártúrli jabdyqtyń bolýy. Bul tásil mı isikteri, anevrızma, epılepsııa, Parkınson aýrýy, dısk jaryǵy, omyrtqa oınamasy jáne basqa da aýrýlardy emdeýde mı men julynǵa jasalatyn operasııalardyń tıimdiligi men yńǵaılylyǵyn arttyrady. Ideıanyń maqsaty tek ótkizý qabilettiligin arttyrý ǵana emes, sonymen qatar bir operasııalyq bólme ishinde birneshe jabdyqty biriktirý perspektıvasy.
Bul jabdyq tek zertteýge arnalǵan apparat qana emes, bul tutas medısınalyq keshen. Onyń kómegimen júrekke jáne aıaq-qol tamyrlaryna endovaskýlıarlyq jáne gıbrıdtik operasııalar júrgiziledi.
«Birneshe kezeńde jasalatyn operasııalardy biz bir kezeńde jasaımyz. Iаǵnı ekinshi operasııany kútýdiń keregi joq, mundaı jaǵdaılarda pasıentter úshin ýaqytty únemdeý óte mańyzdy. Gıbrıdtik operasııalardyń arqasynda pasıent operasııalyq bólmede, tıisinshe narkozda az jatady, sondaı-aq aǵzanyń qantamyrlaryn dıagnostıkalaý jáne vızýalızasııalaý kezinde paıdalanylatyn kontrasty zat pen rentgenniń teris áser etýi de bolmaıdy», dep bólisti QR PIB Medısınalyq ortalyq aýrýhanasynyń hırýrgııalyq qyzmet basshysy Berik Qaıkenov.
QR PIB Medısınalyq ortalyǵy aýrýhanasynyń zamanaýı jabdyqtalǵan operasııalyq bólmeleri, neırohırýrgterdiń joǵary biliktiligi kez kelgen kúrdeli operasııalardy jasaýǵa múmkindik beredi. Aýrýhananyń operasııalyq blogy 11 operasııalyq zalmen jabdyqtalǵan. Olardyń birinde operasııalar bıplan angıografııalyq keshen júıesin qoldaný arqyly júzege asyrylyp keledi. 2022 jyldyń segiz aıynda neırohırýrgııalyq, kardıohırýrgııalyq jáne angıohırýrgııalyq beıinderde josparly júıeni paıdalana otyryp, 175 ota jasaldy.
