Jastar marafony Aqparat jáne qoǵamdyq damý mınıstrliginiń qoldaýymen «Almaty» stýdentter alıansy» KQ júzege asyratyn «Jastardy áskerı-patrıottyq tárbıeleý jónindegi is-sharalar keshenin iske asyrý» áleýmettik jobasy aıasynda ótti.
Is-sharany uıymdastyrýshylardyń aıtýynsha, marafonnyń negizgi maqsaty – el jastaryn salaýatty ómir saltyn júrgizýge baýlý.
«Búgingi marafon keıbir qatysýshylar úshin rekordtarǵa jeteleıtin alǵashqy qadam, basqalary úshin óz kúshin tekserýdiń amaly boldy. Biz jas qazaqstandyqtardyń óz demalys kúnin densaýlyqqa paıdaly ispen ótkizgeni úshin shyn júrekten qýanyshtymyz», deıdi joba úılestirýshisi Azat Teńgebaev.
«Trıatlon» saıabaǵyndaǵy marafonda 14-29 jas aralyǵyndaǵy 200 qatysýshy kúsh synady. Jigitter men qyzdar arasynan úzdik shyqqandar alty fınalıst aqshalaı sertıfıkattarǵa ıe boldy.
Áleýmettik joba aıasynda áskerı-patrıottyq murajaılarǵa ekskýrsııalar, ardagerlermen kezdesýler, zııatkerlik oıyndar, patrıottyq aksııalar men shyǵarmashylyq konkýrstar sııaqty mańyzdy is-sharalardy uıymdastyrý josparlanǵan.
