Áıgili aqyndy áspettedi

Kesh bastalmas buryn foıe­de kelýshilerge arnalyp «Alataý» folklorlyq an­sambliniń oryn­daýynda Muh­­tar Shahanov ánderinen radıo-fon konserti usy­nyl­dy. «Ba­lasaǵun» or­ta­lyq konsert za­­lyna jı­nalǵan jurtshylyq aqyn shyǵarmashylyǵyna ar­nal­ǵan Sh.Ýálıhanov atyndaǵy ob­­lys­­tyq ámbebap ǵylymı ki­tap­hanasynyń kórmesin tamashalady.

Is-shara barysynda led ekran arqyly Muhtar Shahanov týraly zamandastarynyń pi­kir­leri berilip, qalamgerdiń «Ta­nakóz» poemasy jelisimen sahnalanǵan kompozısııa kóp­shilik nazaryna usynyldy. Mereıtoı ıesi oqyrman qaýym­men suhbattasyp, kókeıkesti oılaryn ortaǵa saldy. Sondaı-aq ulttyq rýhqa, sezim, kóńil kúı lırıkalaryna ne­giz­delgen jyr­laryn shabyttana oqyp, jyrsúıer qaýymnyń qo­she­metine bólendi. Bul kúni jer­­gilikti ánshilerdiń oryndaýyn­da av­­tordyń tyńdarmandarǵa keńi­nen tanymal ánderi de shyr­qal­dy.

Kesh sońynda óńir basshysy Nurjan Nurjigitov jýyrda ǵana Qazaqstannyń Eńbek Eri atanǵan qaıratker aqynnyń shyǵarmashylyǵyn, el damýyna, qazaq ádebıeti men rýhanııatyna qosqan ólsheýsiz úlesi men eńbegin aıryqsha atap ótti.

«О́zińizdiń erekshe talan­tyńyz arqyly halyq maq­tanyshyna aınalyp, ulttyq rý­hymyzǵa negizdelgen qazaq poezııasynyń asqaqtaýyna aı­ryqsha úles qosqan azamatsyz. О́leńsúıer qaýym sizdiń shyǵarmalaryńyzdy oqı oty­ryp, birde patrıottyq rýh­qa, ultjandylyq sezimge bó­lense, endi birde mahabbat jyryn jyrlaıdy», dedi oblys áki­mi.

О́z kezeginde aqyn da qo­shemetke bólegen jambyl­dyq­tarǵa ystyq yqylasyn bildirip, aq batasyn berdi.

Jambyl oblysy