Yrys aldy – yntymaq

Astanada ótken Qazaqstan halqy Assambleıasynyń XXI sessııa­syna qatysýshylardan Memleket basshysy atyna jyly lebizdi hattar, sondaı-aq, Qazaqstan hal­qynyń birligi kúni merekesine baılanysty quttyqtaýlar tolassyz kelip túsýde.

О́z hatynda Qostanaı obly­syndaǵy Sarykól aýdany halyq teatrynyń jetekshisi jáne re­jısseri V.Starodýb Assambleıa jumysyna tikeleı qatysý onyń mańyzdylyǵyn múlde basqa qyrynan uqtyra túsetinin aıtady. «Ystyq yqylas, dostyq, elimizdiń jarqyn bolashaǵyna degen senim ahýaly árdaıym jadymyzda saqtalady. Birge ótkizgen kóp jyl ishinde taǵdyrymyz, ómirimiz etene toǵysyp, biz birtutas qoǵamǵa aınaldyq», delingen hatta.

Oral qalasyndaǵy «Vaınah» cheshen-ıngýsh mádenı-aǵartýshylyq qoǵamynyń tóraǵasy D.Saratov turaqtylyq pen órkendeý kepili bolyp otyrǵan Qazaqstan halqy Assambleıasynyń biregeı uıym ekenine nazar aýdarǵan. «Birlikke sanalýandylyq ar­qyly barý baǵytynyń durystyǵyn ýaqyt dáleldep berdi. Bizdiń balalarymyzdyń bolashaǵy zor, al bizde salt-dástúr, mádenıet pen tilimizdiń baı murasy saq­ta­la­ty­nyna berik senim bar», dep jazady avtor.

Shyǵys Qazaqstan oblysyndaǵy orys etnomádenı birlestiginiń tóraǵasy N.Zaısev óńirdegi barlyq etnomádenı birlestikter atynan eldegi tatýlyq pen qoǵamdyq kelisimniń nyǵaıtylǵany úshin alǵys bildirgen. Ol memleket eko­no­mıkasynyń damýyna, etnos­aralyq qarym-qatynastar men azamattyq teń quqyqtylyqtyń nyǵaıýyna shyǵysqazaqstandyqtar bar kúsh-jigerin jumsaıtynyna sendiredi.

Osy pikirge dombyrashy, Semeı qalasynyń turǵyny Olga Saǵyndyqova da qosylyp, ózine búkil el-jurt aldynda óner kórsetýge múmkindik bergen ses­sııaǵa qatysqanyna qýanyshty ekenin bildiredi. Taraz qalasyndaǵy «Shıvat Sıon» evreı etnomádenı bir­lestigi tóraǵasynyń orynbasary, №2 mekteptiń dırektory S.Gýrskaıa ózi basshylyq etetin oqý ornynda 37 ulttyń balasy oqıtynyn aıtady. «Pedagogıkalyq ujymnyń qyzmeti etnostyq jáne dinı erek­sheligine, áleýmettik jaǵdaıyna qaramastan, toleranttylyq pen bir-birine degen qurmetti qalyp­tastyrýǵa baǵyttalǵan. Men tu­raqtylyq pen halyqtyń birligi basty orynda turǵan elde ómir súrip jatqanymdy maqtan etemin», delingen hatta.

Jambyl oblysyndaǵy «Vyn­hýa» dúngen mádenı orta­lyqtary qaý­ymdastyǵy» qoǵamdyq birles­tigi jastar ortalyǵynyń jetekshisi Z.Mahýseev qazaqstandyq jastar alǵa qoıylǵan barlyq mindetterdi oryndaýǵa ázir ekenin jetkizgen. «Biz – jańa eldiń jas urpaǵymyz. Bizder kóppiz, bárimiz ártúrlimiz, biraq taǵdyrymyz bir. Biz Sizdi uıatqa qaldyrmaıtynymyzǵa jáne Qazaqstannyń álemdegi eń damyǵan 30 memlekettiń qataryna qosylýy úshin qoldan kelgenniń bárin jasaıtynymyzǵa sendiremiz», dep jazady avtor.

Almaty oblysy «Birlik» jas­tar qaýymdastyǵynyń atqarýshy dırektory N.Belık óz taǵdyry jáne týǵan Otanyna aınalǵan elge degen kózqarasy týraly aıtqan. «Taldyqorǵan – meniń qalam, al Qazaqstan – meniń elim, meniń Otanym, ol meni súıispenshilikpen qushaq jaıa qabyl aldy. Men basqa respýblıkada týyp-óstim, Qazaqstanǵa 17 jyl buryn keldim. Soǵysty kórgen men tatýlyqty, ózara túsinistikti jáne kelisimdi baǵalaı biletin elge keldim», delingen hatta.

Qazaqstan koreıleri qaýym­dastyǵy Qaraǵandy fılıalynyń tóraǵasy L.Kım jańa Strategııa­nyń Memleket basshysy aıtqan jeti qaǵıdatyn óziniń aǵa urpaq qol jetkizgen qundylyq retinde saqtap, eseleý jáne jastarǵa ta­bystaý jónindegi ósıet dep qa­byldaǵanyn atap ótken. «Bizdiń qarııalarymyz óz­deri bastan ótkergen repressııa ýaqytynyń qıynshylyǵy jaǵ­daıynda da qataldanyp ketken joq, bizderdiń otbasylarymyzda sol jyldardyń sumdyǵy jaıynda emes, ózderine pana bolǵan, sońǵy tilim nanyn bólisken qazaqtardyń arqasynda oıanǵan bolashaqqa degen úmit týraly, sondaı-aq, biz úshin ógeı emes, Otan-anaǵa aınalǵan osy mekenge rıza bolý kerektigin aıtyp otyratyn. Biz muny eshqashan umytpaımyz jáne árdaıym olardyń aldynda qaryzdarmyz», delingen hatta.

QHA múshesi G.Iаndıev Mem­leket basshysynyń basshylyǵymen Qazaqstan beıbitshilik pen keli­simdi nyǵaıtý jóninde orasan jumys atqarǵanyn atap ótken. «Oraıly sátti paıdalanyp, árbir ananyń kóz jasy tógil­megeni, árbir balanyń úreıdi bil­megeni, qasıetti qazaq jeri­ne degen senimine selkeý túspe­geni úshin barlyǵymyzdyń rızashy­ly­ǵymyzdy Sizge aıtqym keledi», dep jazady avtor.

Qazaqstan halqy Assam­b­leıa­synyń aqmolalyq ǵylymı-tal­damalyq ortalyǵynyń múshesi A.Ahetova álemniń kúrdeli ke­zeńindegi birliktiń mańyzdy­lyǵyna toqtalady. «Bizder, qazaqstandyqtar, eldiń 17 mıllıon turǵynynyń ár­qaısysynyń birliktiń jasampaz, qaýipsiz, tolerantty ahýaly men ózimizdi biriktirip otyrǵan taǵdyr toǵystyrǵan shynaıy baý­yrlastyǵymyzǵa degen orasan jaýapkershiliktiń aýqymyn aı­ryqsha sezinemiz», delingen hatta.

Kókshetaý qalasynan hat joldaǵan Z.Shýataeva da turaq­tylyqtyń, tatýlyq pen kelisimniń mańyzdylyǵyn atap aıtqan. «Sizdiń sózderińizdiń qýaty, kózdelgen strategııalarymyzdyń saltanat quratynyna degen berik senimińiz bizdiń árqaısymyzǵa áser etti. Jastardyń salıqaly sózderi, Sizge degen rızashylyǵy erekshe baıqalady, bolashaq bizdiki ekenine esh kúmán qalmaıdy», delingen hatta.

Qaraǵandy oblysyndaǵy Qazaqstan halqy Assambleıasy ǵylymı-saraptamalyq tobynyń jetekshisi V.Molotov-Lýchanskıı QHA jyldan-jylǵa kúsh alyp, el halqy aldynda laıyqty bedelge ıe bolyp kele jatqanyn, ótken sessııa osynyń aıqyn aıǵaǵy ekenin aıtqan.

Qyzylorda oblysy qyrǵyz etnomádenı birlestiginiń tóraǵasy S.Jubathanov, Qyzylorda oblystyq «Pontıısy» grek etnomádenı birlestiginiń tóraǵasy F.Alhazov jáne Mańǵystaý oblysy «Rýsskoe zemlıachestvo» orys etnomádenı birlestiginiń múshesi N.Savchenko halyq úshin barshaǵa ortaq ıgilikke aınalǵan qazaqstandyq tatýlyq, rýhanılyq jáne kelisim qaǵıdattarynyń mańyzdylyǵyn atap ótken.

Mańǵystaý oblysy «Salaýat» bashqurt etnomádenı birlestiginiń tóraǵasy Ý.Aznabaev, Atyraý oblysy «Vaınah» cheshen-ıngýsh etnomádenı birlestiginiń ardageri S.Akaev jáne Almaty oblysynyń qazaq mádenıeti men salt-dástúri ortalyǵynyń tóraǵasy S.Shynybaev 2015 jyldy Qazaqstan halqy Assambleıasy jyly dep jarııalaý týraly sheshimdi erekshe qýanyshpen qabyl alǵan.

Qazaqstan halqy Assam­bleıasynyń aqmolalyq ǵylymı-taldaý ortalyǵynyń múshesi B.Gaz­dıeva, Atyraý oblysy «Voz­rojdenıe» etnomádenı birles­tiginiń ókili Iý.Kýstadınov, Qos­tanaı oblysy Altyn dala aýy­lynyń turǵyny  T.Sıtnıkova jáne Oral qalasyndaǵy «KazArmaProm» JShS bas dırektory S.Kachalo «Qazaqstan-2050» Strategııasynda qoıylǵan mindetterdiń oryndalatynyna senim bildirgen.