Sondaı-aq óndiriste qaýipsizdikti qamtamasyz etý, jergilikti turǵyndarǵa ádil eńbekaqy tóleý, áleýmettik mindettemelerdi oryndaý jáne materıaldyq-tehnıkalyq bazany jańǵyrtý máseleleri áńgimeniń arqaýyna aınaldy.
Memleket basshysy kompanııanyń atalǵan talaptar men mindettemelerdi oryndaýy asa mańyzdy ekenin aıtty.
Sonymen qatar Prezıdent ishki naryqtyń qajettiligin «ArselorMıttal Temirtaý» kásipornynyń ónimderimen óteý máselesine mán berdi.
Budan bólek, kompanııanyń parnıktik gaz shyǵaryndylaryn azaıtý sharalaryna da nazar aýdaryldy.
Lakshmı Mıttal Qasym-Jomart Toqaevqa jýyq arada «ArselorMıttal» kompanııasy Qazaqstanǵa 1 mıllıard dollar kóleminde ınvestısııa quıatynyn, onyń basym bóligi óndiristi jańǵyrtýǵa baǵyttalatynyn jetkizdi.
